Главная » 2013 » Iyul » 3 » Ўзбек киносидаги энг талабгир ва қиммат актрисалар учлиги
00:43
Ўзбек киносидаги энг талабгир ва қиммат актрисалар учлиги
Бугун ўзбек киносанъатида жуда кўплаб ёш актёр ва актрисалар етишиб чиқмоқда. Уларнинг айримлари элга танилиб, аллақачон ўз мухлисларини топиб улгурган. Қуйида ўзбек актрисалари орасида энг талабгир бўлиб турган ва филмдаги иштироки учун нисбатан кўп гонорар оладиган ижодкорлар учталиги билан танишишингиз мумкин.
1. Дилноза Кубаева. Бу актриса ҳар бир роли учун тахминан 12 млн. сўм гонорар олар экан. Тан олиш керакки, актриса бугунги куннинг энг талабгир ва "қиммат” актрисаси ҳисобланади. Балки шунинг учун ҳам бошқа актрисаларга нисбатан фильмларда камроқ кўринса керак.
2. Жамила Ғофурова. Иккинчи поғонани эгаллаб турган актрисанинг гонорари 8 млн. сўмни ташкил этади. Асосан давлат буюртмасига биноан суратга олинадиган фильмларда кўринадиган Жамиланинг ўзи бу хусусда шундай дейди: "Нархим” 8 млн. сўмдан тушмайди. Чунки мен бош ролни ижро этаяпман, демак меҳнатим оғир. Шунга яраша ҳақ талаб қиламан”.
3. Зарина Низомиддинова. Бугунги кунда суратга олинаётган деярли барча фильмларда унга кўзимиз тушади. Зарина битта фильмдаги роли учун 7 млн.га яқин гонарар олади. Унинг кетма-кет ролларини кўриб, актрисага талаб кучли экан, деб ўйлашимиз табиий. Аммо... Балки у юқоридаги актрисаларга нисбатан камроқ пул сўрагани учун роллари кўпроқдир. Яна ким билади дейсиз...
(Актрисаларнинг иш ҳақлари режиссёр ва продюсерлардан аниқланган ҳолда чоп этилди).darakchi.uz
