«Милан» ёзда Хондани қўлга киритишга ҳаракат қилади
"Милан” ёзда ЦСКА ярим ҳимоячиси Кейсуке Хондани шу ёзда қўлга киритишга ҳаракат қилиб кўради. Япониялик футболчи Россия Суперкубоги учун кечган ўйинда дубль қайд этишга муваффақ бўлди. Футболчининг клуб билан амалдаги шартномаси декабрь ойида ўз ниҳоясига етади.
***
«Барселона» Вальбуэна қизиқиш билдирмоқда
«Марсель» клуби ярим ҳимоячиси Матье Вальбуэна «Барселона» жамоасининг қизиқиш доирасига кирди.
«Кўк-анорликлар» 28 ёшли Франция терма жамоаси ўйинчисининг агенти билан унинг Каталония клубига амалга ошиши мумкин бўлган трансфери борасида алоқага чиққан, дея хабар беради Sport.es.
Манбанинг маълумотига кўра, «Барселона» томонидан Вальбуэнага қизиқиш, Тиаго Алькантаранинг «Бавария» ёки «Манчестер Юнайтед» жамоаларидан бирига ўтиши мумкинлиги билан боғлиқдир.
Вальбуэнанинг «Марсель» билан шартномаси 2017 йилгача амал қилади. Трансфер қиймати эса 15 миллион еврога баҳоланмоқда.
Ўтган мавсум хавбек Франция чемпионатининг 37 учрашувида иштирок этиб, 3 та гол ҳамда 12 та голли узатма муаллифиг айланди.
***
«Реал» Маркиньосга қизиқаётганини тасдиқлади
"Реал” клуби "Рома” жамоаси марказий ҳимоячиси Маркиньосга қизиқиш билдираётганини тасдиқлади.
Мадридликлар 19 ёшли футболчини астойидил қўлга киритиш пайига тушганликларига яна бир сабаб "ПСЖ”нинг ҳам ушбу футболчи билан жиддий равишда қизиқаётгани бўлди.
Парижликлар Маркиньос учун 35 миллион евро таклиф қилишгани ҳақида маълумотлар бор.
***
«Бавария» Озил трансфери борасида таклиф билан чиқиши мумкин
«Бавария» жамоаси бош мураббийи Хосеп Гвардиола «Реал» клуби марказий ярим ҳимоячиси Месут Озилни сотиб олиши мумкин, дея хабар беради Bild.
Футболчининг ўзи ҳам Германияга қайтиш вариантини кўриб чиқишга қарши эмас.
Айтиш жоизки, «Бавария»га «Барселона» жамоаси ярим ҳимоячиси Тиаго Алькантара ҳам ўтиши керак.
| 
