| Статистика |
Hozirda saytda: 2 Mexmonlar: 2 Foydalanuvchilar: 0 |
|
Главная » 2013 » Iyul » 26 » Покистон телеканаллари рейтинг кўтариш учун Рамазондан "фойдаланмоқда"
21:25 Покистон телеканаллари рейтинг кўтариш учун Рамазондан "фойдаланмоқда" |
Покистон телешоуси рейтинг учун кураш мақсадида фарзандсиз оилаларга етим болаларни тарқатишни бошлади.
Машҳур кўрсатувнинг навбатдаги сонида бошловчи Амир Лякуат Хуссейн мухлисларга йўргакланган чақалоқни кўрсатиб: "Мана шу чиройли қизчани кимдир бир уюм ахлат олдида қолдирган". Шундан сўнг қизчани Покиcтоннинг ҳайрия ташкилоти вакилига беришди, у эса ўз ўрнида болани фарзандсиз оилага совға қилди.
Бахтдан кўз ёш тўккан янги она фарзандини "Рамазон туҳфаси” дея номлади, сабаби кўрсатув айнан шу ойда эфирда узатилган. Оталик номига сазовор бўлган эркак эса ўз ҳиссиётлари билан ўртоқлашар экан шундай деди: "Сўнгги 14 йил биз учун қийинчиликларга тўла бўлди, ҳамма менга иккинчи марта уйланишни маслаҳат берди, аммо мен сабр қилдим ва аёлимга ҳам шуни маслаҳат бердим”.
Ҳайрия ташкилоти ўз ўрнида шундай деди: "Бизда ташландиқ ахлатхоналардан топиладиган болалар жуда кўп, баъзида биз уларни ўлик ҳолда топиб оламиз. Шу сабабли фарзандингизни ташламанг, агар бунга аҳд қилган бўлсангиз уларни бизга олиб келиб беринг, деб илтимос қилган бўлардик”.
Маълумотларга қараганда, муқаддас ойда ислом телеканаллари ўртасида рейтинг учун қаттиқ кураш олиб борилар экан. Шу сабабли турли телешоулар одамларни совғалар билан жалб қилишга ҳаракат қилиб, уй кинотеатрлари, компьютерлар, маиший техника ва ҳатто ер участкалари ҳам совға қилишар экан.
Manba: Darakchi.uz
|
|
Категория: Dunyo xabarlari |
Просмотров: 669 |
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] |
|
|
