"Манчестер Сити” ёшлар таркибининг собиқ жамоа бошлиғи Кортни Мэппен-Уолтерни муддатидан аввал адашиб қамоқдан озод қилишди. У муддатининг бор йўғи чорак қисмини ўтаган эди.
Буюк Британия жазони ўташ хизматида ушбу ҳолатни ўрганишаётганини маълум қилишди. «Хато сабабли озод қилинишлар бизда жуда кам рўй беради ва ҳар бир ҳолатни биз жуда жиддий қабул қиламиз», — бу хақда муассаса вакили хабар берди. Унинг сўзларига қараганда, Мэппен-Уолтер тез орада қамоққа қайтарилади.
18 ёшли футболчи ЙТҲда икки кишининг умрига зомин бўлгани учун февралда 16 ойга қамоқ жазосига маҳкум қилишган эди. Ҳалокат 2012 йилнинг сентябрида рўй берган, ўшанда Мэппен-Уолтер «Мерседес» автомобили ичида тўрт йўловчи бўлган Nissan Micra машинасига урилиб кетган. Оқибатда 32 ёшли эркак ва унинг 37 ёшли опаси ҳалок бўлишган, аёлнинг 16-17 ёшли болалари жиддий шикастланишган.
Тергов давомида Мэппен-Уолтер ўзининг айбини тан олган. Тергов хулосаларига кўра, унинг автомобили рухсат этилган тезликдан икки мартага оширган.
Ушбу йўл ҳодисасидан ярим йил олдин ҳам Мэппен-Уолтер тезликни оширгани учун жавобгарликка тортилган эди. Судья спортчига нафақат қамоқ жазоси балки уч йил давомида автомобиль бошқаришни ҳам таъқиқлаган, ҳалок бўлганларнинг оиласига эса машинани сотиб ундан олинган маблағни беришни тайинлаган.
