Главная » 2013 » Iyul » 2 » Юртимизда янги турдаги маданият марказлари ташкил этилади
17:23
Юртимизда янги турдаги маданият марказлари ташкил этилади
Обод турмуш йили” Давлат дастурида белгиланган вазифалар ижросини таъминлаш мақсадида 2013-2018 йилларда замонавий маданият ва аҳоли дам олиш марказларини шакллантириш, уларнинг моддий техник базасини ривожлантириш чора-тадбирлари, шунингдек ушбу марказлар фаолиятини тартибга солиш бўйича Низомни тасдиқлади.
Унга кўра, 1,777та маданият уйлари негизида 894та маданий ҳордиқ марказларини ташкил этиш режалаштирилган бўлиб, шулардан 38 таси имконияти чекланганлар учун мўлжалланган. Марказлар аҳолининг кенг қатламини қамраб олиш учун Қорақалпоғистон Республикаси, вилоятлар шаҳарларида ва пойтахтда ташкил этилади. Марказларни яратишда асосий эътибор уларнинг моддий-техник базасини яхшилашга қаратилади. Марказ учун ажратилган биноларда кўп тармоқли заллар бўлиши талаб этилади, шунингдек, уларни замонавий ахборот манбалари ҳамда даврий матбуот билан таъминлаш кўзда тутилган. Марказлар учун қишлоқ кинотеатрларининг фойдаланилмаётган бинолари ва шунга ўхшаш бошқа иншоотларни ажратиш кўзда тутилган. Улардаги фойдаланишга яроқли мусиқа асбоблари янги ташкил этилаётган марказлар балансига ўтказилади.
Марказларга ишчиларни қабул қилишга алоҳида аҳамият берилади. Икки ойлик синов муддати билан мусиқа, санъат ва умумтаълим мактаблари, лицей ва коллеж ўқитувчилари 0,5 ставкадан ошмаган ҳолда шартнома асосида ишга қабул қилинади.
Ҳужжатга мувофиқ, уч турдаги марказларни ташкил этиш кўзда тутилган. Унинг турлари хизмат кўрсатиладиган аҳоли сонига қараб фарқланади.
Биринчи типдаги марказ - шаҳар ва туман марказларида ташкил этилади (40 мингдан зиёд аҳоли), 400 кишига мўлжалланган томоша залига эга. Қолга икки типдаги марказларнинг методик ишларида бош ташкилотчи.
Иккинчи типдаги марказ - шаҳар, туман ва қишлоқлар учун мўлжалланган (20 минг аҳоли). 250 кишилик томоша залига эга.
Учинчи типдаги марказ - шаҳар, туман ва қишлоқ жойларида қурилади. 7 минг кишига хизмат кўрсатишга мўлжалланган. Томоша зали 150 та ўриндан иборат.
Ўз навбатида, шаҳарларда аҳоли сонига қараб I, II ва III типдаги марказлар, қишлоқ жойларда эса фақат II ва III типдаги марказларни ташкил этиш мумкин бўлади.
Марказларга интернет хоналарини яратиш, ахборот-коммуникация технологиялари ва чет тилларини ўқитиш курсларини ташкил этиш, кўнгилочар тадбирларни ўтказиш, тўй ва бошқа маросимларни ўтказиш, доимий ва вақтинчалик фото ва амалий санъат кўргазмаларини ташкил этиш ҳамда аҳоли қизиқишларини инобатга олган ҳолда бошқа тўгаракларни йўлга қўйиш вазифаси юклатилган.
