Испаниянинг шимоли-ғарбида йўловчи поезди ҳалокатга учради. Олинган сўнггимаълумотларга кўра, бунинг оқибатида қурбон бўлганлар сони 69 кишига етган. Шунингдек 143 нафар йўловчи жароҳатланган. Франс Пресс агентлигининг хабар беришича,қутқарувчилар вайроналар остидан 65 кишининг жасадини олиб чиқишган, яна тўрт киши касалхонада вафот этган.Маълумотларга кўра хали поезднинг барча вагонлари текшириб чиқилмаган. Йўловчи поезди Сантьяго-де-Компостела шаҳридаги темирйўл станцияси яқинида изидан чиқибкетган. Воқеа кеча махаллий вақт билан соат 20.42да (23.42 Тошкент) рўй берган. Авария натижасида поезднинг барча 13та вагони ағдарилиб кетган, охиридан битта олдинги вагон эса бутунлай вайрон бўлган. Поездда шу куни машинист ва хизмат ходимларидан ташқари 218 киши бўлган. Фалокат рўй берган йўналишда «Мадрид – Ферроль» шаҳарлари орасида поездлар қатнар эди. Баъзи маълумотларга кўра, ҳалокатга поезд тезлигининг хаддан зиёд оширилганисабаб бўлган. Галисия маъмурияти вакили Самуэль Хуареснинг таъкидлашича, авария вақтида транспортнингтезлиги соатига 220 километрни ташкил этган. Ваҳоланки ушбу участкада энг юқори тезлик 80 км/с. этиббелгиланган. RENFE Испания давлат темирйўл тармоғивакилларининг сўзларига кўра эса поезднинг тезлиги 180 километр соатдан ошмаган, лекин бу ҳам белигланганчегарадан анча юқоридир. El Pais нашрининг хабар беришича, поездхавфли бурилишда ҳалокатга учраган бўлиши мумкин. Махаллий аҳоли эса авария вақтида портлаш овозиниэшитганликларини айтишмоқда. Лекин Испания Ички ишлар вазирлиги бунинг терактга алоқаси йўқлигини таъкидлаган.  

Manba: Darakchi.uz