Главная » 2013 » Iyul » 17 » Германияда ўзбек пианиночиси Элеонора Котлибулатованинг концерти бўлиб ўтди
01:56
Германияда ўзбек пианиночиси Элеонора Котлибулатованинг концерти бўлиб ўтди
Германиянинг Росток шаҳридаги Халқ театрида машҳур ўзбек пианиночиси, халқаро танловлар совриндори Элеонора Котлибулатова иштирокида концерт дастури бўлиб ўтди.
Элеоноранинг концерт дастури Европага машҳур Шимолий Германия филармония оркестри иштирокида бўлиб ўтди. Элеонора Дмитрий Шостаковичнинг машҳур асарини ижро этди. Мусиқий коллективга машҳур дирижёр, маэстро Ленер бошчилик қилди. Элеоноранинг ҳамкори сифатида машҳур немис чолғучиси Рихард Вайс иштирок этди.
Коцертда кўпсонли томошабинлар, профессионал танқидчилар, мусиқий оўю талабалари ва ушбу санъатнинг шинавандалари иштирок этишди. 600 кишилик театр зали деярли тўлди. Мутахассисларнинг фикрича, Элеоноранинг чиқиши ўзининг эмоционаллиги билан жалб қилди. Масалан, Hochschule fur Musik (Мусиқа олий мактаби) профессори Матиас Киршнерайт Котлибулатованинг маҳоратли ижросини алоҳида эътироф этди.
Таъкидлаш жоизки, ўзбек пианиночисининг ушбу концерти Германиядаги 12, аммо филармония оркестри билан илк концерти бўлди. Бунгача Элеонора яккахон дастурлар билан иштирок этган эди. Таъкидлаш жоизки, сўнгги йилларда Элеонора Котлибулатова Берлиннинг етакчи ихтисослаштирилган оўю Hochschule fur Musik таълим олишини давом эттиряпти.
