«Реал» жамоаси Бэйл учун охиригача курашади
"Реал” жамоаси "Тоттенхэм” аъзоси Гарет Бэйлни қўлга киритиш ғоясидан воз кечгани йўқ. "Қироллик клуби” ушбу футболчини астойидил қўлга киритмоқчи. "Биз Бэйлни харид қилишга уриниб кўрамиз, сўнгги кунгача курашамиз. Биз ушбу футболчига катта умид боғлаяпмиз. Ўз вақтида Зидан, Бекхэм, Роналдоларни қўлга киритганмиз. Бэйлни ҳам қўлга кирита оламиз”, - дейди "Реал” вакили.
***
«Реал» Ильярамендининг трансфери ҳақида эълон қилди
Ярим ҳимоячи Асьер Ильяраменди "Реал” футболчисига айланди. 23 ёшли футболчи билан клуб 6 йиллик шартнома имзолади. Футболчининг расмий таништирув маросими 13 июль куни "Сантьяго Бернабеу” стадионида бўлиб ўтади. Футболчи учун норасмий маълумотларга кўра 36 миллион евро миқдорда маблағ тўланган.
Ильяраменди ўз вақтида Испаниянинг турли ёшдаги терма жамоалари таркибида тўп сурган.
***
«Манчестер Сити» Криштиану Роналдуга қўлга киритишга ҳаракат қилади
Daily Star нашри берган хабарларга кўра, "Манчестер Сити" Мажриднинг "Реал" клуби билан Криштиану Роналду трансфери борасида музокаралар ўтказишга тайёр.
Эслатиб ўтамиз, олдинроқ португалиялик футболчи ПСЖ ва "Монако" сафига ўтишдан бош тортган эди.
"Юнайтед” ҳам Роналдуни қайтариш истагида эканини билган "Сити” Мадрид клуби рахбариятига ўз қўшнилари қанча пул таклиф қилса, унданда кўпроқ маблағ таклиф қилишга сўз беришган.
***
Криштиану Роналду «Монако» эгаси билан учрашди
«Монако» клуби эгаси Дмитрий Риболовлев ўтган ҳафта «Реал» жамоаи ҳужумчиси Криштиану Роналду билан учрашув ўтказди.
Учрашув Монако князлигида бўлиб ўтди. У ерда португал ўзининг реклама мажбуриятлари сабаб етиб борган, дея хабар беради Le 10 Sport нашри.
Нашрнинг маълумотига кўра, «Монако» 2014 йилнинг ёзида Криштиану Роналдунинг трансфери борасида келишувга эришмоқчи.
Илгари, Португалия термаси футболчиси «Монако»га 85 миллион фунт эвазига ўтиши мумкинлиги ҳақида маълумот тарқалди
***
Хонда январ ойида «Милан»га ўтади
«Милан» клуби ЦСКА жамоаси билан ярим ҳимоячи Кейсуке Хонданинг трансфери борасида якуний келишувга эришди.
Трансфер қишки бозор пайтида расмийлаштирилади. Ўшанда Хонда ЦСКАни эркин агент сифатида тарк этади.
Бу ҳақда «Милан» раҳбарияти ва япониялик футболчининг акаси билан учрашув вақтида маълум бўлди.
***
Кальехон расман «Наполи» футболчисига айланди
«Реал» клуби ярим ҳимоячиси Хосе Кальехон «Наполи» жамоаси футболчисига айланди, дея хабар беради Италия клуби расмий сайти.
Футболчи ўзининг янги жамоаси билан тўрт йиллик шартнома имзолади.
Трансфер қиймати 10 миллион евро атрофида ташқил қилди.
Қўишб ўтиш жоиз, ўтган мавсум Кальехон 30 учрашувда иштирок этиб, 3 та гол урди.
|