Portugaliyalik futbol yulduzi Krishtianu Ronaldu nihoyat rossiyalik top-model Irina Sheyk (Shayxislomova) bilan oila qurishga qaror qildi. Sevishganlar tantanali nikoh marosimini yoz oyining so‘nggi kunlari Portu-Santu orolida o‘tkazishni rejalashtirmoqda. Juftlik o‘zaro ishqiy munosabatlarini sinashi uchun 3 yil vaqt ketdi.

Elbalonrosa.com saytining xabar berishicha, nikoh oqshomining Portu-Santu orolida o‘tishiga asosiy sabab bu maskan futbolchining tug‘ilgan yeri – Madeyraga juda yaqinligidir. Shuningdek, Ronaldu orolda qurilishi rejalashtirilgan Burj Dubai Al Araba turidagi yetti yulduzli mehmonxonaga sarmoyador sifatida qatnashishi mumkin.

Ayni damda Krishtianu va Irina birgalikda Elunda dam olish maskanida ta’til oylarini o‘tkazmoqda.