| Статистика |
Hozirda saytda: 2 Mexmonlar: 2 Foydalanuvchilar: 0 |
|
Главная » 2013 » Iyul » 20 » Британияликлар мамлакатдаги капалакларни ҳисоблашга киришдилар
18:18 Британияликлар мамлакатдаги капалакларни ҳисоблашга киришдилар |
Буюк Британия ахолиси бугун, шанба куни қиролликдаги капалакларни санашни бошлайдилар. Ушбу ҳисоб-китоб ишлари 11 августгача давом этади, деб хабар беради Капалакларни асраш жамғармаси (Butterfly Conservation Trust).
Акцияда исталган киши қатнашиши мумкин. Бунинг учун қуёшли кунларнинг бирида кўчага чиқиб, 15 дақиқа давомида нечта ва қандай капалак турига дуч келганини қайд этиб бориш кифоя.
Фаоллар ишини осонлаштириш мақсадида жамғарма сайтида Британияда учрайдиган капалакларнинг расмлари ва уларнинг номлари ёзиб қўйилган.
Эътироф этиш лозим, ушбу акцияда мамлакатнинг қатор таниқли кишилари ҳам иштирок этадилар. Улар орасида жаҳонга машҳур натуралчи ва режиссёр сэр Дэвид Аттенборо (David Attenborough) ҳам бор.
"Капалакларнинг борлиги жуда муҳим. Улар атроф-муҳит ҳолатини кўрсатиб турувчи индикатор десак адашмаймиз. Капалакларнинг камайиб бораётгани Британияда табиат билан боғлиқ муаммолар борлигини кўрсатади. Келажак авлод ҳатто бугун биз кўриб турган нозик капалакларни ҳам кўрмаслиги мумкин. ", — дейди Дэвид.
Ўтган йиллардаги ҳисоб-китобларга кўра, Британиядаги капалаклар сони камайиб бормоқда. Жумладан 21 хилдаги капалакларнинг 15таси кўпайишдан тўхтаган. 2012 йил натижаларига кўра, Бирлашган Қиролликда 220 минг дона капалак борлиги ҳисоблаб чиқилган.
Manba: Darakchi.uz
|
|
Категория: Dunyo xabarlari |
Просмотров: 780 |
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] |
|
|
