Главная » 2013»Iyul»26 » Бразилияда қор ёғди: кимга аза, кимга мазза
21:42
Бразилияда қор ёғди: кимга аза, кимга мазза
Бразилия жанубида одатдаги иссиқ ўрнига қор ёғди. Бу ерлик болалар ҳозир қорбўрон ўйнашяпти.
Ушбу худудга тушган ноодатий совуқ Антарктидадан келган бўлиб, у нафақат Бразилия, балки Парагвай, Уругвай, Аргентина ва Чилини ҳам "сийлади".
Йиллаб қор кўрмаган Бразилиянинг жанубидаги Куритиба ва Флорионополис шаҳарларида ҳарорат - 7,4 даражага тушиб кетди. Сан-Паулуда ўтган кечаси 2000-йилдан бери энг паст ҳарорат - бор йўғи + 5,2 даража қайд этилган. Ижтимоий тармоқларда Бразилия жанубидаги 130 шаҳарнинг қор тасвирлари тарқалган.
Гарчи қор ёққанидан кўпчилик ҳурсанд бўлсада, унинг оқибатида айримлар ноҳуш якунланди. Жумладан Сан-Паулуда бир одам совуқ қотиб, вафот этган, тахминан 11 минг бошпанаси йўқ одамларни вақтинча яшаш жойларига эвакуация қилишга тўғри келди. Энг жанубда жойлашган Рио-Гранди-ду-Сул штатида ҳам совуқ ҳаво икки кишининг умрига зомин бўлди.
Шунингдек, Парагвай ва Уругвайда ҳам пас ҳарорат оқибатида қурбонлар борлиги айтилмоқда — оҳирги кунларда кутилмаган совуқдан 6 киши вафот этгани маълум қилинган.
