| Статистика |
Hozirda saytda: 29 Mexmonlar: 29 Foydalanuvchilar: 0 |
|
Главная » 2013 » Iyul » 20 » Боласининг мажбурий таълим олишига тўсқинлик қилганлар жазоланиши мумкин
18:23 Боласининг мажбурий таълим олишига тўсқинлик қилганлар жазоланиши мумкин |
Аввал хабар бериб ўтганимиздек, 19 июль куни Ўзбекистон Республикаси Олий Мажлиси Қонунчилик палатасининг навбатдаги мажлиси бўлиб ўтди.
Мажлисда қатор қонун лойиҳалари кўриб чиқилди. Жумладан депутатлар иккита қонун лойиҳасини биринчи ўқишда муҳокама қилдилар. Жумладан, "Тўғридан-тўғри чет эл инвестицияларини жалб қилишни янада рағбатлантириш муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси саноатнинг юқори технологик тармоқларига тўғридан-тўғри чет эл инвестицияларини жалб қилишни янада рағбатлантиришга қаратилган. Тегишли тузатишлар "Чел эллик инвесторлар ҳуқуқларининг кафолатлари ва уларни ҳимоя қилиш чоралари тўғрисида”ги, "Чет эл инвестициялари тўғрисида”ги, "Божхона тарифи тўғрисида”ги қонунларга, Солиқ кодексига киритилмоқда.
Шунингдек, "Ўзбекистон Республикасининг Маъмурий жавобгарлик тўғрисидаги кодексига ўзгартиш ва қўшимчалар киритиш ҳақида”ги қонун лойиҳаcи ҳам ишлаб чиқилган бўлиб, ушбу хужжат болаларнинг мажбурий ўн икки йиллик таълим олишини таъминлашнинг ҳуқуқий механизмларини такомиллаштириш мақсадида ишлаб чиқилган. Қонун лойиҳасида болаларнинг мажбурий умумий ўрта ва ўрта махсус, касб-ҳунар таълими олишига ота-оналарнинг ёки уларнинг ўрнини босувчи шахсларнинг тўсқинлик қилганлиги учун маъмурий жавобгарлик белгиланмоқда.
Батафсил муҳокамадан сўнг Олий Мажлис Қонунчилик палатаси юқорида кўрсатиб ўтилган иккала қонун лойиҳасининг асосий қоидаларини маъқуллади ва депутатларнинг фикрларини инобатга олган ҳолда уларни биринчи ўқишда қабул қилди. Масъул қўмиталарга ҳужжатларни иккинчи ўқишда кўриб чиқишга тайёрлаш топширилди.
Manba: Darakchi.uz
|
|
Категория: O`zbekiston Yangiliklari |
Просмотров: 693 |
| Рейтинг: 5.0/2 |
Добавлять комментарии могут только зарегистрированные пользователи. [ Регистрация | Вход ] |
|
|
