Главная » 2013 » Iyul » 16 » Аргентина Президенти Кристина Фернандес де Киршнер буви бўлди
03:54
Аргентина Президенти Кристина Фернандес де Киршнер буви бўлди
Nacion газетасининг хабар беришича, душанбага ўтар кечаси мамлакат раҳбари набиралик бўлган ва янги туғилган чақалоққа Нестор Иван деб исм қўйишган.
Газетанинг ёзишича, Нестор Иван президент ўғли Максим Киршнернинг фарзанди. У Буэнос-Айрес марказида жойлашган Отаменди санаторийсида дунёга келди.
Мамлакат жанубидаги Рио-Гальегос шаҳрида бўлиб ўтган оммавий тадбирда иштирок этиб қайтган президент ҳам душанба куни кечаси шифохонага етиб борган.
Айтиш мумкинки, Киршнерлар оиласи Нестор Иваннинг туғилишини узоқ кутилган ҳодиса. 2011 йилнинг августида Росио Гарсия ҳомиласи нобуд бўлган ва ўшанда мамлакат раҳбари барча расмий тадбирларни бекор қилганди.
Махаллий газеталарнинг ёзишича, чақалоққа мамлакат собиқ президенти, Кристина Фернандес де Киршнернинг турмуш ўртоғи, 2010 йилда вафот этган марҳум Нестор Киршнер хотираси учун айнан Нестор Иван деб исм қўйилган.