Главная » 2013 » Iyun » 20 » Ўзбекистонда энг машҳур смартфонлар ўнталиги эълон қилинди
06:55
Ўзбекистонда энг машҳур смартфонлар ўнталиги эълон қилинди
Android базасида Opera Mini браузери фойдаланувчилари орасида Ўзбекистонда машҳур бўлган смартфонларининг Топ-10 талиги эълон қилинди. Маълумотларга кўра, юртимизда Opera Mini фойдаланувчилари сони бир йилда 47% ўсган.
2012 йил давомида Samsung компанияси Ўзбекистон бозорида ўз ўрнини мустаҳкамлаб ҳозирда мазкур рўйҳатда пешқадамлик қилмоқда. Агар ўтган йили юртимизда машҳур бўлган уяли телефон ишлаб чиқарувчи компанияларнинг Топ-10 рўйхатида Корея компаниясининг 3 та мобил телефон модели киритилган бўлса, бу йил уларнинг сони 7 тани ташкил қилди. Таъкидлаш жоизки, мазкур рейтингдан, ўтган йили рўйҳатда қайд этилган HTC, ZTE ва Huawei компаниялари телефон моделлари жой ололмади.
Ўзбекистонда Opera Mini фойдаланувчилари орасида Android-смартфонларнинг ТОП-10 талиги:
1. Samsung Galaxy S II (GT-I9100)
2. Samsung Galaxy S III (GT-I9300)
3. Samsung Galaxy S (SHW-M110S)
4. Samsung Galaxy Ace (GT-S5830i)
5. SonyEricsson Xperia ray (ST18i)
6. Samsung Galaxy Y (GT-S5360)
7. Samsung Galaxy Gio (GT-S5660)
8. SonyEricsson Xperia Arc S (LT18i)
9. Samsung Galaxy Ace (GT-S5830)
10. Artel Adi5
Бир йил ичида Android смартфонларида Opera Mini фойдаланувчилари сони 316% ўсди ва Ўзбекистон Opera Mini фойдаланувчилари умумий сонининг 4,6%га эгалик қилади. Умуман, Ўзбекистонда Android смартфонлари эгалари бошқа телефон соҳибларидан кўра 115% кўпроқ маълумот олишади.
