Главная » 2013»Iyun»19 » Ўзбекистон Жаҳон чемпионати учун курашни давом эттиради
22:38
Ўзбекистон Жаҳон чемпионати учун курашни давом эттиради
Ўзбекистон футбол миллий терма жамоаси Тошкентда Қатар терма жамоасини 5-1 ҳисобида мағлубиятга учратди. Бироқ ушбу ғалаба футболчиларимизнинг Жаҳон чемпионатига чиқиши учун етарли бўлмади.
Сабаби, параллел равишда ўтказилган нариги учрашувда Эрон сафарда кореялик футболчилар устидан 1-0 ҳисобида ғалаба қозонди. Ўзбекистон терма жамоаси сафида голларга Баҳодир Насимов, Улуғбек Бақоев, Олег Зотеев ва Одил Аҳмедовлар муаллифлик қилишди.
Шундай қилиб Ўзбекистон терма жамоаси тўплар нисбатига кўра "А" гуруҳида учинчи ўринни эгаллади ва энди "Б" гуруҳида учинчи ўринни олган жамоа (Иордания ёки Уммон) билан плей-оф босқичида куч синашади. Икки ўйин натижасига кўра, ғолиб бўлган жамоа Жанубий Америка саралаш босқичида 5-ўринни эгаллаган (Уругвай бўлиши мумкин) терма жамоа билан беллашади ва устун келган ҳолатда Жаҳон чемпионатига йўл олади. Тўғри, бу энди жуда қийин, лекин барибир имконият мавжуд. Осиёдан жаҳон чемпионатига йўл олган 4 терма жамоалар: Япония, Австралия, Ж.Корея, Эрон.
"А" гуруҳи якуний жавдал
№ Жамоа Ўйин Ғалаба Дуранг Мағлубият Т-Н Очко 1 Эрон 8 5 1 2 8-2 16 2 Жанубий Корея 8 4 2 2 13-7 14 3 Ўзбекистон 8 4 2 2 11-6 14 4 Қатар 8 2 1 5 5-13 7 5 Ливан 8 1 2 5 3-12 5
