Главная » 2013 » Iyun » 13 » Ўзбекистон футбол федерацияси расмий сайти хакерлар ҳужумига учради
00:51
Ўзбекистон футбол федерацияси расмий сайти хакерлар ҳужумига учради
Ўзбекистон футбол федерацияси расмий сайти Clone Security хакерлик гуруҳи томонидан ишдан чиқарилди. ЎФФ расмий сайти бош саҳифасида пайдо бўлган саҳифада ёзилишича, федерация сайти, Твиттердаги барча аккуантлари ва электрон почта манзиллари хакерлар томонидан бузилган.
ЎФФ расмий сайти – the-uff.com манзилида пайдо бўлган саҳифада «Терма жамоа жаҳон чемпионига чиқолмапти… Ҳа, чиқолмайдиям-да!» (асли: «TJ JCHga chiqolmapti… Ha Chiqolmadiyamda!») деб ёзилган. Шунингдек, саҳифада Ўзбекистон миллий терма жамоаси бош мураббийи Миржалол Қосимовга демотиватор сурат ҳам жойлаштирилган бўлиб, унинг остида: «Автогол зўр чиқди-а?», – деб ёзилган.
Clone Security хакерлик гуруҳи бунгача ЎзМТРК сайтини ҳам ишдан чиқаришга улгурган эди.
Эслатиб ўтамиз, 11 июнь куни Ўзбекистон миллий терма жамоаси ЖЧ-2014 саралаш босқичи доирасида сафарда Жанубий Корея терма жамоасига имкониятни бой берган эди. Учрашув тақдирини Ўзбекистон миллий терма жамоаси ҳимоячиси Акмал Шораҳмедов урган ягона автогол ҳал қилган эди.
