Яна 09 маълумот марказига қўнғироқ қилиб, ўзбекча такси борми?- дедим. Мана сизга ўзбекчаси дея "Ўзбегим такси” 220-03-00 рақамини берди. Шу онда, нима учун бу таксига вохлироқ тел қилмаганимни ўйлаб қолдим. Сабаби, нақ Аэропортнинг олдида катта баннерда шу "Ўзбегим такси” рекламасига кўзим кўп тушарди. Хуллас, "Ўзбегим такси”га қўнғироқ қилсам....яна рус. Русча билмайман десам...Ишонасизми, худди шу ахвол. "Ўзбегим такси” ЎЗБЕКЧА БИЛМАСА??!!
Таксидан эмас, ахолига хизмат кўрсатиш сохасига, нима учун шу Республиканинг асосий тилини билмайдиганлар хизмат кўрсатяптганига жахлим чиқди. "Зеленоглазое такси” офисига шикоят билан қўнғироқ қилсам, бутун бошли офис ходимлари умуман ўзбекча билишмас экан. "Ўзбегим таксиси” офисида эса шикоятларга жавоб берадиган йигит хартигул ўзбекча билар экан. Лекин бўлар иш бўлган, ва хизмат кўрсатиш рақамлари бўйича тил билмайдиган инсон хизмат кўрсатиши ғалати.
21 октябрь 1989 йил Ўзбек тилига давлат тили мақоми берилган бўлса, орадан неччи йил ўтди?
Айни дамда, Ўзбекистонда умуман рус тилини билмайдиганлар борку. Шахсан ўзимни танишларим орасида қанчаси русчани умуман билмайди, нима учун улар Ўзбекистондаги хизмат кўрсатилаётган ташкилотга мурожаат қилишлари учун русчани ўрганишлари керак???
Sayyod:-Ахолига хизмат кўрсатадиган соха вакиллари, айниқса такси, тез ёрдам, милиция ва ўт ўчирувчилар телефон рақамларига жавоб берадиганлар камида 3 тилни билишлари керак деб хисоблайман, булар ўзбек, рус ва инглиз тиллари. Сабаби, юртимизда хориж мехмонлари бисёр ва улар бу рақамлар орқали мурожаат этиб қолишлари мумкин. Ўзбек тилини эса биринчи навбатда билишлари шарт бўлса керак! "Ўзбегим таксиси” номини олган ташкилот ўзбек тилини билмаслиги эса, жудаям ажаблантирди.
