Главная » 2013»Iyun»25 » Toshkentning bir qator markaziy ko‘chalari to‘liq ta’mirlanadi
05:22
Toshkentning bir qator markaziy ko‘chalari to‘liq ta’mirlanadi
Toshkent shahar markaziy ko‘chalari ekspluatatsiyasi, ta’minoti va ta’miri bo‘yicha shahar ixtisoslashgan boshqarmasi poytaxtning to‘rtta ko‘chasini to‘liq ta’mirlash uchun tender e’lon qildi, deya xabar berdi Mezon.uz.
Xususan, 2013-yil 10-noyabrgacha Shayxontohur tumanidagi Zulfiyaxonim ko‘chasini (Sebzor ko‘chasidan Sharof Rashidov ko‘chasigacha), 12-noyabrga qadar esa, Abay ko‘chasini (Abdulla Qodiriy ko‘chasidan Zulfiyaxonim ko‘chasigacha) to‘liq ta’mirdan chiqarish rejalashtirilmoqda.
Shuningdek, 6-noyabrgacha Yunusobod tumanining Yunusota ko‘chasi (Ahmad Donish ko‘chasidan Bobodehqon ko‘chasigacha) hamda 8-noyabrgacha Yakkasaroy tumanining Abdulla Qahhor ko‘chasidagi (Nukus ko‘chasidan MKADgacha) ta’mirlash ishlari tugatilishi ko‘zda tutilgan.
