Главная » 2013 » Dekabr » 16 » РЕЖИССЁР МУҲАММАДАЛИ ИСКАНДАРОВ ЧЕКИШНИ ҚАНДАЙ ТАШЛАГАН?
12:21
РЕЖИССЁР МУҲАММАДАЛИ ИСКАНДАРОВ ЧЕКИШНИ ҚАНДАЙ ТАШЛАГАН?
"Ўртоқларимга эргашиб мен ҳам бир-икки марта "тутатганман”. Тамаки ҳидидан чекканимни сезиб қолган онам...."
Чекувчилар чекишнинг зарарли эканини жуда яхши биладилар. Лекин ундан кўз юмишга ёки шунчаки эътибор бермасликка ҳаракат қиладилар. Чекишни ташлаш учун яқинда яна бир сабаб эълон қилинди. Лекин бу ҳақда сал пастроқда ўқийсиз, аввал эса таниқли клипмейкер ва режиссёр Муҳаммадали Искандаровнинг қандай қилиб чекишни ташлагани ҳақида унинг ўзидан билиб оламиз.
Муҳаммадали Искандаров : Мактабда ўқиб юрган пайтларимда сигарета чекиб кўришга қизиқиш бўлган. Ўртоқларимга эргашиб мен ҳам бир-икки марта "тутатганман”. Кейин роса йўталиб, кўзларим қизариб кетган.
Тамаки ҳидидан чекканимни сезиб қолган онам, мени койиш ўрнига, тўғри тушунча бергандилар ўшанда. Унинг соғлиғимга зарарини айтиб, маҳалламиздаги чекувчи касалманд кишиларни мисол келтирганлар. Бунинг учун мен онамдан бир умр миннатдорман. Чунки уларнинг ўгитлари билан ўшандан кейин бирон марта ҳам тамаки чекмадим ва бу зарарли иллатнинг қулига айланмадим. Соғлом ҳаёт кечиришга нима етсин.
Энди эса чекишнинг зарари ҳақида яна бир факт, яқинда Англияда ўтказилган тадқиқотларга кўра, чекувчилар хотираларидаги маълумотларнинг фақатгина 59%ни эслай олишлари аниқланди.
Умуман чекмайдиган эркаклар 81%ни, маълум вақт чеккан, лекин ташлаганлар эса кўрган-кечирганларининг 74%ни аниқ ёдда тутишар экан.
Эсим паст бўлиб қолмасин десангиз, бугуноқ чекишни ташлашга ҳаракат қилганингиз маъқул.
