Главная » 2013 » Iyun » 4 » Прага орқали Тошкентдан Нью-Йоркка янги рейс очилди
22:16
Прага орқали Тошкентдан Нью-Йоркка янги рейс очилди
Czech Airlines авиакомпанияси шу йилнинг 1 июлидан бошлаб Прага орқали Тошкентдан Нью-Йоркка авиарейсларни амалга оширади.
Чехиянинг Тошкентдаги элчихонаси маълумотларига қараганда, Czech Airlines код-шеринг асосида Delta Air Lines компанияси билан шартнома имзолаган ва шунга кўра мазкур компания АҚШга парвозларни амалга оширадиган бўлди.
Айни вақтда, Czech Airlines авиакомпаниясининг Ўзбекистондаги ваколатхонаси Прага орқали Нью-Йоркка учиш учун авиачипталарни сотишни бошлади.
Czech Airlines самолётолари Тошкентдан Прагага ҳафтанинг чоршанба ва шанба кунлари парвоз қилади, Delta авиакомпанияси эса йўловчиларни Нью-Йоркка элтиб қўяди.
Нью-Йоркдан Прагага самолётлар душанба ва пайшанба кунлари, Прагадан Тошкентга эса сешанба ва жума кунлари парвоз қилади.
Эконом класс учун бориш-келиш чиптаси нархи $1285 - $2200 атрофида эканлиги хабар қилинмоқда.
