Главная » 2013 » Iyun » 7 » Paynet тўловлар тартибига ўзгартириш киритди
22:17
Paynet тўловлар тартибига ўзгартириш киритди
UzPaynet тизими яқиндан бошлаб фақат 500 сўмга яхлитланган тўловларни қабул қилишни бошлаган. Бу ҳақда MobInfo.Uz сайти хабар бермоқда. Бир қатор UzPaynet шохобчаларидан олинган маъумотга кўра, ушбу амалиёт UzPaynet хизмати бир ойлар муқаддам янги биллинг хизматини жорий этганидан сўнг ишга тушган.
Масалан, авваллари фойдаланувчилар 500 сўмдан бошлаб исталган суммадаги тўловларни амалга ошира олган бўлсалар, энди тизим фақатгина 500 сўмга яхлитланган (яъни, 500га қолдиқсиз бўлинадиган суммаларни) қабул қилмоқда.
Мисол учун, тизим энди алоҳида 800 ва 1200 каби тўловларни қабул қилмайди (10та 200 сўмлик (ёки 20та 100 сўмлик ва ҳакозо)дан иборат 2000 сўмни қабул қилади). Фойдаланувчи яхлитланмаган суммани (масалан, 1600 сўмни) тўламоқчи бўлса, тизим хатоликни қайд этади ва тўлов ўтмайди.
UzPaynet хизмати MobInfo.Uz’га берган маълумотларига кўра, хизмат агентларига кунига 50тагача яхлитланмаган суммаларни қабул қилиш бўйича лимит белгиланган. Лимит тўлганидан сўнг шохобча эгалари фақатгина яхлит тўловларни қабул қила олишади.
Компаниянинг изоҳ беришича, ушбу амалиёт бир қатор агентлар томонидан фойдаланувчиларнинг пулларини ноқонуний равишда ўзлаштириш ҳолатлари қайд этилгани сабаб, фойдаланувчиларнинг илтимосларидан келиб чиқиб, жорий этилган.
MobInfo.Uz’нинг қайд этишича, UzPaynet Ўзбекистондаги ягона электрон тўловлар хизмати ҳисобланади. Мамлакат бўйлаб UzPaynet шохобчалари сони 25 мингдан ошади. Ҳар куни UzPaynet орқали 2 миллионга яқин тўловлар амалга оширилади.
