Главная » 2013 » Iyun » 18 » Opera O‘zbekistondagi 10 ta eng ommabop Android-smartfonlar ro‘yxatini tuzdi
23:43
Opera O‘zbekistondagi 10 ta eng ommabop Android-smartfonlar ro‘yxatini tuzdi
kompaniyasi O‘zbekistondagi Opera Mini foydalanuvchilari orasida Android bazasidagi eng ommabop bo‘lgan smartfonlar o‘ntaligini taqdim etdi, deya xabar berdi UzDaily.uz. Bundan tashqari, o‘zbekistonlik Opera Mini foydalanuvchilari soni bir yilda 47% ga o‘sganligi ham e’lon qilindi.
Kompaniya bergan ma’lumotga ko‘ra, o‘tgan yil ichida Samsung kompaniyasi o‘z o‘rnini mustahkamlab, ayni paytda ushbu reytingda so‘zsiz ustunlik qilmoqda. O‘tgan yili yuqori o‘ntalikda mazkur kompaniyaning 3 ta modeli qatnashgan bo‘lsa, bu yil ularning soni 7 ta bo‘lgan.
Yana shuni qayd etish joizki, bir yil avval tegishli ravishda birinchi, to‘rtinchi va beshinchi o‘rinlarni band qilgan HTC, ZTE va Huawei bu yilgi reytingga kirmagan.
Android-smartfonlarning yuqori 10 taligiga Artel Adi5 telefoni ham kirdi. O‘zbekistonda chiqariladigan ushbu telefon 2013-yil boshida sotuvga qo‘yilgan edi.
O‘zbekistonda Opera Mini foydalanuvchilari orasidagi eng ommabop Android-smartfonlar o‘ntaligi quyidagicha:
1. Samsung Galaxy S II (GT-I9100) 2. Samsung Galaxy S III (GT-I9300) 3. Samsung Galaxy S (SHW-M110S) 4. Samsung Galaxy Ace (GT-S5830i) 5. SonyEricsson Xperia ray (ST18i) 6. Samsung Galaxy Y (GT-S5360) 7. Samsung Galaxy Gio (GT-S5660) 8. SonyEricsson Xperia Arc S (LT18i) 9. Samsung Galaxy Ace (GT-S5830) 10. Artel Adi5
Opera’ning ta’kidlashicha, O‘zbekistondagi Android smartfonlari egalari boshqa oddiy telefon egalariga qaraganda 115% ga ko‘p ma’lumotlardan foydalanmoqda.
