Главная » 2013 » Dekabr » 22 » "Nasaf" barcha futbolchilari bilan shartnomalarni uzaytirdi
01:10
"Nasaf" barcha futbolchilari bilan shartnomalarni uzaytirdi
10 dekabrdan boshlab yangi mavsumga taraddudni boshlagan "Nasaf" futbolchilari ayni paytda Qarshi shahrida kuniga ikki mahaldan mashg'ulotlarni o'tkazishmoqda. Mashg'ulotlar jamoaning qarorgohidagi maydonlarda, shuningdek "Markaziy" va "Geolog" stadionida ham tashkil etilmoqda.
Kuni kecha klub rahbariyati futbolchilar va ularning shartnomalari bilan bog'liq masalalarini muhokama qilishdi. Unga ko'ra o'tgan mavsumda jamoa tarkibida harakat qilgan va shartnomasi yakuniga yetadigan barcha futbolchilar bilan shartnoma muddatlari uzaytirildi. Jumladan, jamoa sardori Artur Gevorkyan va Ilhom Yunusov, Shuhrat Muhammadiev singari futbolchilar 2014 yilgi mavsumni "Nasaf" tarkibida boshlashlari aniq. Ayni paytda jamoa tarkibida ikki nafar futbolchi darvozabon O'tkir Yusupov va Aziz G'ulomxo'jaev ko'rikdan o'tishmoqda.
Jamoa yangi yilga qadar Qarshi shahrida mashg'ulotlarni davom ettirishadi. Yangi haftada futbolchilarga chempionat bronza medallarini tantanali tarzda topshiriladi va qisqa ta'til e'lon qilinadi.
Yangi yilda "Nasaf"chilar yana Qarshida to'planib o'quv-yig'in mashg'ulotlarini davom ettirishadi va 10 yanvar kuni birinchi xorijiy yig'inni o'tkazish uchun Turkiyaning Antaliya shahriga jo'nab ketishadi. Turkiyaga ketish oldidan oliy liga jamoalaridan biri bilan nazorat uchrashuvini o'tkazishlari rejaga kiritilgan.