МУНИС БИЛАН 5 ДАҚИҚАЛИК СУҲБАТ! - 5 Июня 2013 - SHERLAR.BIZ

17:08 МУНИС БИЛАН 5 ДАҚИҚАЛИК СУҲБАТ!
Айрим пайтда интервью учун соатлар етмайди. Гоҳида қалбга ташриф учун сониялар кифоя. 5 дақиқа – 300 сония Мунис билан кечди... -Дуэт учун нега айнан Қодировни танладингиз? -Мен танламадим. Таклиф бўлди. Қўшиқни тинглаб кўрдим. Менга жуда ёқди ва куйладим. Яхши қўшиқ бўлса бўлди, дуэтдошни танламайман. -Эшак аравадаги гламурлар! Клипдаги бу кўринишни ҳойнаҳой сиз ўйлаб топган бўлсангиз керак... -(Кулади). Бу клипмейкернинг ғояси. Имиж ва либослар муаллифи эса Ҳилола Шер. -Эшакда биринчи сайр қилишингизми? -Ҳа. -"Дема-дема" кимнинг машҳурлигига кўпроқ ҳисса қўшади? Умуман бу дуэт оммалашишига ишонасизми? -Иккимизга ҳам. Албатта оммалашишига ишонаман. Дуэт жуда ёқимли чиққан. Яхши қўшиқ танлашда мен камдан-кам адашаман! -Хивадан олган таассуротларингиз? Одамлар клип жараёнига ва сизларга қай даражада қизиқди? -Ҳмммм. Хивада зўр бўлди. Суратга олиш баҳона Ургенчнинг Олимпия стадионида концерт ҳам бердим. -Концерт қандай ўтди? -Мухлисларим Хоразмда ҳам бор экан! -Интернет ва қўл телефонларида тарқаб кетган шов-шувли фотосурат ва видеолардан кейин яқин дўстларингизни ҳам йўқотдингизми? Сизга бу сабоқ бўлдими ё улардан афсусланмайсиз? -Бу тўғрисида ҳеч нарса гапирмайман. Кечирасиз. -Бир муддат қалин дугонангиз бўлган Райҳон билан сўнгги марта қачон гаплашдингиз? -Эсимда йўқ. Лекин тўйларда учрашиб қолишга тўғри келяпти. -Кўпчиликнинг фикрича, энди яқин дугонангиз Шаҳзода... -Бу хато маълумот. Биз Шаҳзода билан гаплашмаймиз. Бироқ, бу уришиб қолишди дегани эмас. Мени ранжитишса ҳам, ҳамиша яхши муносабатни сақлаб қоламан. -Шаддодлигингиздан ҳеч ким сизни йиғламаса керак деб ўйлайди. Менимча, бошқача. Сиз кучли қалб эгаси. Кучлилар йиғлайди, фақат бекитиб, ёлғиз... -Тўғри айтасиз. Бу фикрингизга тўлиқ қўшиламан! -"Момосидан" кейин ҳар бир қўшингиз оммалашмоқда. Бунинг сирини нимада кўрасиз? -Билмадим. Бироқ, яхши қўшиқ танлашда интуициям панд бермайди. -Сизнингча, Ботир Қодиров қандай инсон? Уни ўзингиз учун қанчалар кашф этдингиз? Ижодилан бохабармисиз? -Ботир "золотой”! Ақлли, катта юрак эгаси. Меҳрибон. Уни борича ҳурмат қиламан. Жуда яхши инсон. -Қайси қўшиғини ёддан биласиз? -"Ҳаммадан ҳам гўзалсан” (кулади). -Шахсий ҳаёт ҳақида ҳам ўйлаяпсизми? -Шахсий ҳаёт?!!! "Тот самый” ҳали топилмаяпти, дейди-ку?! Шунақа! -Муниснинг бошқа ҳамкасбларидан энг ажралиб турадиган жиҳати нимада? -Шўхлиги! 300 сония тугади. Жасур Ҳамроев
1 2 3 4 5 Категория: Shou biznes olami \| Просмотров: 858 \| \| Рейтинг: 5.0/1