Главная » 2013»Iyun»16 » «МТС-Ўзбекистон» частоталари учун янги инвестор қидирилаётгани хабар қилинди
22:48
«МТС-Ўзбекистон» частоталари учун янги инвестор қидирилаётгани хабар қилинди
Банкрот деб тан олинган «МТС-Ўзбекистон»нинг частоталари Ўзбекистоннинг бошқа GSM-операторлари ўртасида бўлиб олинмайди. Бу ҳақда, Ўзбекистон Алоқа, ахборотлаштириш ва телеоммуникация технологиялари далват қўмитасидаги манбаларга асосланиб хабар тарқатган «РИА Новости» ахборот агентлигига асосланиб, «Новый век» газетаси хабар бермоқда.
«МТС-Ўзбекистон» («Ўздунробита»)нинг частоталари бошқа операторлар ўртасида қисман ёки тўлиқ бўлиб олинмайди. Ҳозирда янги инвесторни излаш ишлари олиб борилмоқда, шундай экан, частоталарни бўлиб беришдан маъно йўқ», – дейди «РИА Новости»нинг ЎзААТТдаги манбаси.
Ҳозирги вақтда Ўзбекистонда GSM стандартида иккита мобил алоқа компанияси – «Билайн-Ўзбекистон» (Vimpelcom Ltd шўъбаси) ва Ucell (TeliaSonera шўъбаси) фаолият олиб бормоқда.
2012 йилнинг июль ойида ЎзАТТ (ўша вақтда – Ўзбекистон Алоқа ва ахборотлаштириш агентлиги), хизмат кўрсатишда кўплаб қоидабузарликларга йўл қўйгани учун, дастлаб «МТС-Ўзбекистон»нинг лицензиялари фаолиятини тўхтатган, сўнгра бутунлай чақириб олган эди. Бунинг натижасида, «МТС-Ўзбекистон» абонентларининг (тахминан 9 миллион фойдаланувчи) қолган икки мобил алоқа компанияси ўртасида бўлиб олинган ва уларнинг тармоқлари ҳозиргача қийинчиликлар билан ишламоқда.
Апрель ойида Тошкент шаҳар хўжалик суди, Ўзбекистон солиқ органлари томонидан эълон қилинган 600 миллиард долларлик молиявий мажбуриятларни тўлай олмаслиги маълум бўлганидан сўнг, «МТС-Ўзбекитсон»ни банкрот деб тан олганди. 1 июль куни эса компания мулки аукцион савдоларига қўйилади. Савдоларниг бошланғич баҳоси 600 миллиард сўм этиб белгиланган. Аввалроқ, савдоларда Жанубий Кореянинг Korea Telecom корпорацияси иштирок этишни режалаштираётгани ҳақида хабарлар тарқатилган эди.
Аввалроқ, «МТС» Ўзбекистондаги шўъбасига нисбатан эълон қилинган айблов ва даъволар асоссиз эканлигини маълум қилган эди. Май ойида эса компания Жаҳон банки ҳузуридаги Инвестициявий низоларни тартибга солиш бўйича Халқаро марказга Ўзбекистон устидан шикоят қилгани маълум бўлди. Шикоят рўйхатга олинган ва кўриб чиқилиши бошланган.
