"Barselona" bosh murabbiyi Jerardo Martino navbatdagi tur bahslari oldidan "Granada"ga qarshi kechadigan bahsda maydonga tusha olmaydigan Messi va Valdesning o'rnini to'ldira olishiga ishonmoqda. Har ikki futbolchi ham jarohat tufayli safdan chiqqandi.
— Biz jahonning eng yaxshi futbolchilarisiz ham yaxshi natijalarga erisha olamiz, lekin bu biroz shubhali ko'rinyapti, — deydi Martino matbuot anjumanida. — Bizda ularning o'rnini bosa oladigan o'yinchilar bor. Jarohatlar sabab biz kuchsizlanib qolmaymiz, aksincha, bu holat bizni yanada kuchli qiladi. Neymar esa Messi yo'qligi uchun bosim ostida qolmaydi, u bungacha ham yaxshi o'yin ko'rsatib keldi.
