Angliya Premer-ligasi 12-turidan o'rin olgan "Kardiff" - "Manchester Yunayted" bahsi o'z yakuniga yetdi va unda amaldagi Angliya chempionlari zafar qucha olishmadi.
Birinchi bo'limning 15 daqiqasida "iblislar" raqiblariga hech qanday imkoniyat qoldirishmadi va aynan 15 daqiqada hisobni ham ochishdi. Teylorning pasi Valensiyaga borib tushdi va Antonio to'pni Chicharitoga yetkazib berdi, Chicharito juda chiroyli tarzda Runiga pas berdi, Ueyn bo'lsa xotirjamlik bilan to'pni darvozaga joylab qo'ydi, 0:1.
Biroq goldan so'ng mezbonlar jonlanishdi va to'p nazoratini qo'llariga olishdi va hujumlar tashkil etishdi. Kempbell 33 daqiqada mana shunday hujumlardan birini golga aylantirdi. Mach to'pni maydon markazidan oshirib berdi va Kempbell Evansdan qochishga muvaffaq bo'lib, o'tkir burchakdan zarba berdi, 1:1.
Biroq birinchi bo'lim so'nggida Evra burchak to'plaridan birini golga aylantirdi, Runi mazkur burchak zarbasini amalga oshirdi va barchadan yuqori sakragan Pastris mo'ljalda adashmadi, 1:2.
Ikkinchi bo'lim mexmonlarning kichik ustunligi ostida o'tdi. Maydonga tushgan Denni Uelbekda ikkita yaxshi imkoniyat bo'ldi, biroq u darvozabon bilan birga–bir vaziyatdan gol ura olmadi. Mezbonlar safida ham Kembell 83 daqiqagacha juda faol o'yin ko'rsatdi, biroq jarohat olib maydonni tark etdi.
Biroq 90 daqiqada zaxiradan maydonga tushgan Kim Bo Gen jarima zarbasidan oshirib berilgan to'pni boshi bilan De Xea darvozasiga joylab qo'ydi, 2:2.
Mazkur durang natijadan so'ng "Manchester Yunayted" to'rtinchi o'ringa ko'tarilib olish imkoniyatini qo'ldan boy berdi.
Angliya Premer-ligasi, 12-tur
Kardiff – Manchester Yunayted - 2:2 (1:2)
Gollar: 0:1 – 15 Runi, 1:1 – 33 F. Kempbell, 1:2 – 45 Evra.
Kardiff – Marshall, Teofil-Katerin, Kolker, Terner, Teylor, Medel, Match (Kim Bo Gen, 77), Kaui, Uittingem, F. Kempbell (Kornelius, 83), Odemvingi (Nun, 65).
Manchester Yunayted – De Xea, Smolling, J. Evans, Rio Ferdinand, Evra, Fellayni, Kleverli, Valensiya, Runi, Yanuzay (Uelbek, 68), X. Ernandes (Giggz, 73).
Ogohlantirishlar: Runi (8), Kolker (51), Uittingem (55), Kleverli (86).
|
