Angliya premer ligasi 17 tur doirasida "Fulxem" va "Manchester Siti" klublari o'rtasida kechgan uchrashuv gollarga boy bo'ldi.
Mehmonlar o'yinni ishonchli boshladilar va birinchi bo'limda ikki gol kiritib, natijani hal qilgandek ham tuyulgandi. Ammo ikkinchi bo'limda "Fulxem" nafaqat hisobni qisqartirdi, balki ikkinchi golni ham kiritib, uchrashuvda intriga uyg'onishiga ham sababchi bo'ldi.
Biroq tajriba baribir o'z so'zini aytdi va "shaharliklar" safida Navas va Milnerlar o'zlarini ko'rsatdilar va "Manchester Siti" qimmatli uch ochkoni qo'lga kiritdi.
Fulxem – Manchester Siti 2:4 (0:2, 2:2)
Gollar: 0:1 – 23 Yaya Ture, 0:2 – 43 Kompani, 1:2 – 50 Richardson, 2:2 – 69, avtogol Kompani, 2:3 – 78 Navas, 2:4 – 83 Milner.
Fulxem – Stekelenburg, Riter, Senderos (Amorebeta, 37), A. Xyuz, Riise, Karagunis (Bent, 82), Parker, Dejaga (Kasami, 65), Siduell, Richardson, Taarabt.
Manchester Siti – Jo Xart, Klishi, Kompani, Demichelis, Kolarov, Fernandino, Yaya Ture, Nasri (Milner, 75), Silva (Xavi Garsiya, 84), Djeko (Navas, 58), Negredo.
Ogohlantirishlar: Demichelis (45), Karagunis (60).
|
