Argentinada davolanish muolajalarini o'tayotgan "Barselona" jamoasi hujumchisi Lionel Messi, oyog'ining mushak qismlari jarohatidan so'ng to'liq tiklanishga yaqin turibdi.
So'nggi ko'riklar natijasiga ko'ra, "Barselona" futbolchisi bir necha hafta davomida hech qanday og'riq sezmayotgani hamda mashg'ulotlarda bosimga dosh bera olayotgani ma'lum bo'ldi.
Messi ikki haftadan so'ng maydonga qaytishi kutilmoqda.
Eslatib o'tamiz, hujumchi 10 noyabr uni "Betis"ga qarshi o'yinda jarohat olgan edi.
