Главная » 2013»Iyun»1 » Леди Гаганинг тирноғи 13 минг долларга кетди
07:01
Леди Гаганинг тирноғи 13 минг долларга кетди
Поп-қўшиқчи Леди Гаганинг сунъий тирноғи аукционда 8,5 минг фунт стерлингга сотилди (салкам 13 минг АҚШ доллар).
Пластмасса типсларини интернет-савдога Буюк Британия фуқароси қўйди. Бу хақдаги маълумот Artifact аукционининг расмий сайтида мавжуд.
Сотувчининг сўзларига қараганда, Гага ўз тирноғини 2012 йил 15 сентябрда Дублиндаги концерт дастурида йўқотган. Гага Ирландияга The Born This Way Ball турнеси доирасида келган эди. Тирноқ саҳнада топиб олинган.
Акрилли қора тирноқ тиллали майда мунчоқлар билан безалган.
Қўшиқчининг маникюрига япониялик дизайнер Ая Фукуда жавоб беради. 2011 йилда у Hair Room Service имидж-компаниясининг ҳодими бўлган ва Гаганинг ташқи кўриниши билан шуғулланган. Шундан сўнг Фукула ишдан бўшаб, юлдузнинг шахсий услубчиси бўлган.
Умуман олганда, Леди Гаганинг ўзи ҳам машҳурларга тегишли бўлган нарсаларни сотиб олишга ишқибоз. 2012 йилнинг декабрида у Майкл Жексоннинг буюмларига тегишли савдоларда иштирок этиб, катта маблағ сарфлаган. Хусусан, поп-қиролнинг оқ қўлқопи Гагага 192 минг долларга, унинг концерт пиджаклари эса 308 мингга тушган. Қўшиқчи ушбу аукционда 55 та буюм сотиб олган.
