Главная » 2013 » Dekabr » 12 » Krishtianu Ronaldu: "Bu kabi rekordlarim haqida ko'p ham o'ylayvermayman"
09:34
Krishtianu Ronaldu: "Bu kabi rekordlarim haqida ko'p ham o'ylayvermayman"
"Real" hujumchisi Krishtianu Ronaldu UEFA rasmiy sayti muxbirlari bilan suhbatda kechagi "Konengagen"ga qarshi o'yindagi g'alaba (2:0) va ushbu musobaqaning guruh bosqichida urilgan gollar soni bo'yicha rekord o'rnatgani borasida fikr bildirdi.
"Mag'lubiyatsiz seriyani davom ettirishimiz muhim edi. Noodatiy gazonda oson o'yin bo'lmasligini bilgandik, ammo harakat qildik va mana, juda yaxshi o'yni ko'rsata oldik. Umuman, guruh bosqichida ishlarimiz yurishib turdi. Yaxshi ishtirokchilar to'plangan guruhimiz murakkab edi va biz raqiblarni yengishni maqsad qilgandik.
Bu rekordni o'rnatganimdan bag'oyat xursandman. Gol urib, jamoamga g'alaba qozonishi uchun naf keltirganimdan o'zimda qoniqish hissi tuyyapman. Ammo bu atigi bir rekord xolos. Ochig'ini aytaymi, men bu kabi narsalar haqida ko'p ham o'ylayvermayman. Hammasidan ham o'yinlarda g'alaba qozonish va sovrinlarga ega bo'lish ustun turadi.
Ikki hafta maydonga tushmadim. Shunday ekan, yana o'yin ritmini his qilishim muhim edi. O'zimni yaxshi his etyapman, ammo shunda ham 100 foiz yaxshiman deya olmayman", - dedi Krishtianu Ronaldu.
Eslatib o'tamiz, portugaliyalik "Kopengagen"ga qarshi o'yinda gol urib, guruh bosqichidagi to'plarini sonini 9taga yetkazib qo'ydi.