Юлдуз Ибрагимовна Усмонова айни дамда нақ уч альбом устида иш олиб бормоқда. Август ойларигача янги ўзбек ва туркча альбомлар ёзаётган хонимдан яна бир янгилик: фақат мусиқадан иборат альбом хам. Юлдуз Ибрагимовна Усмоновани бастакорлик қобилияти кўпгина қўшиқларида намоёнланган ва бу сафар бастакорлик махоратини алохида фақат мусиқалардан иборат альбомида тақдим этишни жазм қилмоқда.
Релакс ва медитация стилидаги альбом дисклардан хабарингиз бўлса керак, мана шулар қаторига ўзимизнинг Юлдуз Усмоновамиздан хам шундай мусиқий альбом киритилади. Қизиқ...у мусиқалар орасида таниш шлягерлар хам бўлармикан?
Июль бошида Туркияга ижодини давомлагани учадиган Юлдуз, август ўрталарига альбомларни тугатиб қайтишни режалаштирган. Айни дамда эса ижодий ғоялар жонланиш жараёнида.
