Главная » 2013 » Dekabr » 16 » ЯНГИ "РУСЧА-ЎЗБЕКЧА ЛУҒАТ" КИТОБИ НАШРДАН ЧИҚДИ
01:36
ЯНГИ "РУСЧА-ЎЗБЕКЧА ЛУҒАТ" КИТОБИ НАШРДАН ЧИҚДИ
Қарийб 60 минг сўз ўрин олган ушбу луғат 5000 нусхада чоп этилди. "Ўзбекистон миллий энциклопедияси” давлат илмий нашриёти Ўзбекистон Фанлар академиясининг Алишер Навоий номидаги Тил ва адабиёт институти билан ҳамкорликда "Русча-ўзбекча луғат”нинг янги нашрини чиқарди. Икки жилддан иборат мазкур луғат Ўзбекистон Матбуот ва ахборот агентлигининг "Ўқитувчи” нашриёт-матбаа ижодий уйида 5000 нусхада чоп этилди ва сотувга чиқарилди. Ушбу янги нашрда таржимаси совет давридаги коммунистик мафкура нуқтаи назаридан берилган кўплаб сўзларнинг, хусусан, ижтимоий-сиёсий, диний-фалсафий, тарихий, иқтисодий терминларнинг маъноси энг сўнгги манбаларга таянган, қиёсланган ҳолда холисона изоҳланган. Ҳозирги имло амалиётидан келиб чиққан ҳолда, айрим сўзларнинг ёзилишига аниқликлар киритилган. Қарийб 60 минг сўз ўрин олган ушбу луғат кенг китобхонлар оммаси, жумладан, таржимонлар, муҳаррирлар, матбуот, радио ва телевидение ходимлари учун муҳим қўлланма бўлади.