Главная » 2013»Dekabr»4 » Hamdo'stlik kubogi-2014 musobaqasi uchun qur'a tashlandi. O'zbekiston "S" guruhiga tushdi
18:22
Hamdo'stlik kubogi-2014 musobaqasi uchun qur'a tashlandi. O'zbekiston "S" guruhiga tushdi
Kelasi yilning 24 yanvaridan 2 fevral kunlarigacha Rossiyaning Sankt-Peterburg shahrida XXII Xalqaro Hamdo'stlik kubogi musobaqasi bo'lib o'tadi.
Unda 12ta davlatning yoshlar (U-22) terma jamoalari ishtirok etishidan xabaringiz bor. Aniqrog'i, 1991 yilda tug'ilgan va undan kichik yoshdagi futbolchilar o'zaro kurashlarga kirishadi.
Bugun Rossiyadagi "Dom futbola" binosi ushbu musobaqa uchun qur'a tashlash marosimi bo'lib o'tdi. Unga ko'ra, O'zbekiston yoshlari "S" guruhidan o'rin olishdi. Bizning guruhda Latviya, Belorussiya va Qozog'iston yoshlari ham ishtirok etishadi.
Natijalar bilan tanishing:
"A" guruhi: Estoniya, Tojikiston, Ukraina, Qirg'iziston. "B" guruhi: Litva, Turkmaniston, Rossiya, Moldova. "C" guruhi: Latviya, O'zbekiston, Belorussiya, Qozog'iston.
Barcha o'yinlar "Peterburgskiy" SKK majmuasida bo'lib o'tadi.
