| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Iyun » 1 » Google Африкага Wi-Fi тарқатувчи дирижаблларни жўнатади
12:40 Google Африкага Wi-Fi тарқатувчи дирижаблларни жўнатади |
Google қишлоқ жойларда истиқомат қиладиган аҳолини дирижабль ва аэростатлар орқали интернет билан таъминлаш лойиҳасини ишга туширишга уриниб кўради. Бу ҳақда, компаниядаги манбаларга асосланиб, The Wall Street Journal хабар бермоқда.
«Баланд платформалар» (high-altitude platforms) деб аталадиган учувчи қурилмаларга Интернетга симсиз уланиш имконини берувчи қурилмаларни ўрнатиш режалаштирилмоқда. Хабар беришларича, «баланд платформалар» ёрдамида бир неча юз миль масофадаги» ҳудудни интернет билан таъминлаш мумкин. Бунинг учун қанча аэростат керак бўлиши ҳақида аниқ маълумот берилмаган.
«Баланд платформалар»дан Африкада (Саҳрои Кабир чўлларидан жануброқдаги ҳудудларда) ва Жануби-Шарқий Осиёда фойдаланиш кўзда тутилмоқда.
Аэростатлар ва дирижабллардан ташқари Google қишлоқ аҳолисига сунъий йўлдош каналлари ва телевизион частоталардаги «оқ доғлар» (фойдаланилмайдиган полосалар) воситасида интернет тақдим этишни ҳам режалаштирмоқда. Телевизион частоталардан фойдаланиш учун компания маҳаллий назорат қилувчи органлар билан келишиши керак бўлади.
Телевизион частоталардан фойдаланиш технологиясини Google ЖАРнинг Кейптаун шаҳрида синовдан ўтказади. Компания шаҳарда учта базавий станция ўрнатади, ўз навбатида, улар фойдаланилмаётган радиочастота спектри орқали шаҳарнинг ўнлаб мактабларига интернет «тарқатишади». Ушбу синовлар тўғрисида Google Africa блогида маълумот берилган.
Google бунгача ҳам интернет-провайдер ролида ҳаракат қилган. Компания 2012 йил июлида Канзас-Ситида тажриба сифатида секундига бир гигабит ахборот ўтказа оладиган оптик толали Google Fiber тармоғини ишга туширган. Ушбу тармоқдан фойдаланиш пуллик бўлиб, фойдаланувчи 70 доллар миқдоридаги ойлик тўловни амалга ошириши керак.
|
|
Категория: Qiziqarli malumotlar |
Просмотров: 650 |
| Рейтинг: 5.0/3 |
Добавлять комментарии могут только зарегистрированные пользователи. [ Регистрация | Вход ] |
|
|
