Главная » 2013 » Iyun » 16 » Европа нашри Одил ҳақидаги хатони тўғрилади ва узр сўради
07:43
Европа нашри Одил ҳақидаги хатони тўғрилади ва узр сўради
Жаҳон футболида рўй бераётган янгиликларни ёритиб боришга ихтисослашган www.beyondtheninetyminutes.com интернет нашрининг ҳамюртимиз Одил Аҳмедовни "ярим ҳимоядаги қозоқ маэстроси" деб атагани ҳақида хабар бергандик.
"Арсенал" нотаниш қозоқ маэстроси билан қизиқмоқда" сарлавҳали ушбу хабар чоп этилгач, ушбу сайтга кўплаб ўзбек футбол мухлислари ташриф буюришган ва мақолага ўз фикрларини ёзиб қолдиришган. Сайт таҳририятини хатони тўғрилашга ундовчи мактублар эътиборсиз қолмади. Тез орада ўз хатосидан хабар топган таҳририят мақола сарлавҳасидаги "қозоқ" сўзини "ўзбек" деб тўғрилаб қўйди. Шунингдек қолдирилган изоҳлардан кейин ўзбек футбол мухлисларидан расман узр сўради.
Унда жумладан шундай дейилади:
"Хатоимиз учун сизлардан узр сўраймиз. Агар биз дилингизни оғритган бўлсак, бундан жуда афсусдамиз! Бу қўпол хато эди ва биз уни тўғрилаб қўйдик".
