Унинг геомагнит кучланиш индекси 5 Kp даражасида баҳоланмоқда. Бу ҳақда Росгидомет амалий геофизика институтига таянган Риа новости хабар берган.
Геомагнит фаолликнинг юзага келишига чоршанба куни Қуёшда содир бўлган порташ оқибатида плазмаларнинг отилгани сабаб қилиб кўрсатилмоқда. Олимларнинг ҳисоб-китобларига кўра, зарарли тўлқинлар 7-8 июн куни Ерга етиб келиши керак. Портлаш Қуёш дискининг жанубий-ғарбий қисмида кузатилган. Бу ана шу жойдан тарқалган протонлан Ерга етиб келиш эҳтимоли катта эканини англатади.
Маълумотларга кўра май ойининг ўрталарига келиб Қуёшда ўтган йилнинг октябр ойидан бери кузатилмаётган Х синфига оид кучли портлашлар бошланган. Бироқ, бу ўзгариш Қуёшнинг геотаъсирли ҳолатида бўлмагани учун Ергача етиб келмаган.
Магнит бўронининг соғлиққа таъсири
Магнит бўронлари кўпинча бош оғриғи, юракнинг тез уриши, уйқусизлик, ўзини ёмон ҳис этиш, қон босимининг ошишига сабаб бўлади. Олимларнинг фикрича магнит майдонининг тебраниши натижасида майда қонтомирларининг ҳаракати секинлашади ва тўқималарга етралича кислокислород етиб бормайди. Шунинг учун ҳам инсон организмида ана шундай салбий ўзгаришлар кузатилади.
Магнит бўронини қандай енгиб ўтиш мумкин?
Магни бўрони ҳақидаги хабарнинг ўзи таъсирчан одамларнинг ўзини ёмон ҳис қила бошлашига сабаб бўлади. Шу билан бирга доимий равишда касалланиб турадиган, юрак-ўпка касалликларига чалинган одамлар, кексалар ва ёш болалар ҳам магнит бўронидан азият чекадилар. Бундан кишиларда бош оғриғи, босим ўзгариши, ҳолсизлик, кўз чарчаши ва асабийлик кузатилиши мумкин.
Магнит бўрони вақтида, ҳатто йўл транспорт ҳодисаларининг кўпайиш эхтимоли бор. Бунга айрим ҳайдовчиларнинг асабий ҳолатда бўлиши сабаб бўлади.
Қон босими бор кишиларга бундай пайтда шифокор тайинлаган дориларни қабул қилиш, аччиқ чой ёки кофе ичишни, пишлоқ ва селд балиғини истеъмол қилиш тавсия қилинади. Шунингдек жисмоний зўриқишга ҳам йўл қўймаслик керак.
