Главная » 2013»Iyun»26 » Блогдаги ёзув япониялик депутатни ўз жонига қасд қилишига олиб келди
20:04
Блогдаги ёзув япониялик депутатни ўз жонига қасд қилишига олиб келди
Япониянинг Иватэ перфектураси қонунчилик палатаси депутати Мицуо Коидзуми бугун ота-онасининг уйи яқинидан ўлик ҳолда топилди.
Полициянинг фикрича депутат ўз жонига қасд қилган, бунга эса яқинда унинг блоги атрофидаги ёзувлар сабаб бўлган.
Июннинг бошида 56 ёшли Коидзуми блог-ҳамжамиятига ўзининг баъзи эътирозлари билан бўлишган эди. Ушбу эътирозлар касалхоналардан бирида бўлган ҳодиса билан боғлиқ эди. Воқеа шундай бўлган: уни касалхонада тиббий хизматлар хақини тўлаш учун навбатдаги рақами билан исмини айтмасдан чақиришган. Коидзуми бундай муносабатни махбусларга нисбатан қилинадиган муносабат дея баҳолаган. Унинг асабийлашишига яна бир сабаб касалхона ҳодими депутатни касса ойнаси олдига бориб тиббий хизмат хақини тўлашини айтган. Депутатнинг фикрича эса, кичик бўлмаган хизмат хақини (150 долларга яқин) унинг олдига шахсан чиқиб олишлари керак бўлган. Депутатнинг айтишича, бундай пулга дўкондан нарса ҳарид қилганда ҳам сотувчи раста ортидан чиқиб, пулни қабул қилади ва бунинг учун минатдорчилик ҳам билдиради. Коидзумини касалхона ҳодимларининг бу ҳаракати шунчалик асабийлаштирадики, у хизмат хақини ҳам тўлагиси келмай чиқиб кетади.
Мицуо Коидзумининг блогидаги мазкур ёзув унинг шаънига жуда кўп танқидлар олиб келди. Ўтган ҳафтада у мажбуран махсус матбуот анжумани ташкил қилади ва ҳамманинг олдида жамоат арбобига хос бўлмаган бу иши учун кечирим сўрайди, кейинги кун эса касалхона хақини тўлайди.
Ўлимидан сал олдин Коидзуми яқинларига иштаҳасининг йўқлиги ва хаётдан ҳафсаласи пир бўлаётганини маълум қилган эди.
