Главная » 2013 » Iyun » 10 » Abituriyentlardan biopasport talab qilinayotgani rostmi?
00:13
Abituriyentlardan biopasport talab qilinayotgani rostmi?
Bu yil oliy o‘quv yurtlariga hujjat topshiradigan abituriyentlardan biopasport talab qilinayotgani haqida gap-so‘zlar paydo bo‘lgandi. Ammo bu gaplar o‘z tasdig‘ini topmadi. Bu haqda darakchi.uz sayti xabar bermoqda.
Buni rasmiy ma’lumot sifatida qabul qilgan aksariyat yoshlar pasportni almashtirish harakatiga tushib qolishgan. Biometrik pasport olish ancha vaqtga cho‘ziladi. Hatto imtihon paytiga qadar ham pasport tayyor bo‘lmasligi ehtimoli yo‘q emas. Shularni hisobga olgan darakchi.uz xodimlari Respublika Oliy va o‘rta maxsus ta’lim vazirligiga murojaat qilishdi.
Matbuot xizmatining ma’lum qilishicha, vazirlik tomonidan abituriyentlarning hujjatlari biometrik pasport asosida qabul qilinishi yuzasidan oliy o‘quv yurtlariga hech qanday ko‘rsatma berilmagan. Shuningdek, O‘zbekiston Respublikasi Ichki ishlar vazirligi huzuridagi Xorijga chiqish-kelish va fuqarolikni rasmiylashtirish boshqarmasi xodimlari ham amaldagi pasportdan 2015-yilning 31-dekabriga qadar foydalanish mumkinligini ma’lum qilishgan.
