| Статистика |
Hozirda saytda: 5 Mexmonlar: 5 Foydalanuvchilar: 0 |
|
Главная » 2014 » Noyabr » 6 » Оила мустахкамлиги бу - Фарзанддир
01:54 Оила мустахкамлиги бу - Фарзанддир |
| Икки қўшни бор эди - бири бой, бири фақир. Аммо ажабки, фақир хонадондан доимо хурсандчилик овозлари эшитилар, бойникида эса мол- давлат бисёр бўлса-да, қувонч кам эди. Айниқса, оқшом бўлиши билан камбағал қўшниникидан севинч, кулгу садолари девор ошиб, бойникига кириб борарди. Шундай кечалардан бирида бой қўшни хотинига дебди: - Хеч нимадан камимиз бўлмаса хам, тўрт девордан бошқа хеч нарсаси йўқ шу камбағал оила хис қилганчалик хаётдан завқ туймаймиз. Эртага қўшнининг аёлидан сўраб бил-чи, бахтларининг сабаби нима, биз хам ўшанга қараб харакат қилайлик. Тонг отиши билан бой хотин қўшнининкига йўл олди. Сухбат асносида мақсадини билдирди. - Бизнинг кичкинагина олтин коптогимиз бор, - деди қўшни аёл. - Оқшом тушиши билан эрим икковимиз ўша копток билан ўйнаймиз, кўнгил очамиз. Бу гапни эшитган бой эртаси куниёқ олтин копток ясатишга буюртма берди. Тайёр бўлган куни оқшом хотини билан коптокни бир-бирларига отиб ўйнашди. Аммо, кутганларидек бўлмади. Бу ўйинда хеч завқ йўқ эди, эришган натижалари эса оғир тўп теккан жойларида турган оғриқлар бўлди. Эртасига бой хотин яна қўшниникига кирди: - Сиз айтгандай олтин копток ясаттирдик, аммо хаётимиз ўша-ўша, зерикарли... - Вой, қўшнижон, мен қизчамиз хақида айтгандим, - Табассум қилди қўшни аёл. - Уни дадаси билан олтин копток деб атаймиз. Чунки оқшом дадаси келиши билан гох унинг, гох менинг қучоғимга югуради, бизни қувонтиради, кулдиради. У билан ўйнаб хамма ташвишларимиз унутилади, чарчоқларимиз чиқади... Чиндан хам, бино қуриларкан, махсус қоришма ғиштларни бирлаштирганидек, оилада эр- хотин муносабатларини мустахкамлайдиган асос молу мулк, уй-жой эмас, балки фарзанддир...
|
|
Категория: Oilaviy Maslahatlar |
Просмотров: 1035 |
| Рейтинг: 5.0/4 |
Добавлять комментарии могут только зарегистрированные пользователи. [ Регистрация | Вход ] |
|
|
