Аёл қармоқ ёрдамида дунёдаги энг катта тунецни ушлади (ВИДЕО)
Ушбу балиқни 2 миллион АҚШ доллари эвазига сотиш, 2875 та бутерброд қилиш, ўнлаб оилаларни қорнини тўйдириш мумкин эди. Аммо, Донна Пако тутган катта тунец балиғини уй деворига осиб қўймоқчи.
The Daily Mail нашрининг ёзишича, янги зеландиялик Донна ушбу балиқни тутиш учун 4 соат курашган. Натижада қармоққа 411 килограмли катта тунец илинган. Уни сувдан чиқариб олиш учун учта эркак керак бўлди.
Ушбу тунец ўтган йили Япония "ким ошди" савдосида 1,09 млн АҚШ долларига сотилган тунецдан икки баробар катта. Бундан ташқари ушбу тунец дунёдаги қармоқ орқали тутилган энг йирик балиқ бўлди.
