| Статистика |
Hozirda saytda: 1 Mexmonlar: 1 Foydalanuvchilar: 0 |
|
Главная » 2013 » Avgust » 16 » Жаҳон олий ўқув юртларининг рейтинги эълон қилинди
16:14 Жаҳон олий ўқув юртларининг рейтинги эълон қилинди |
Шанхай университетининг Цзяо Тун тадқиқот маркази Шанхай рейтинги номи остида таниқли бўлган Жаҳон университетларининг академик рейтингини (ARWU) чоп этди.
Ҳар бир олий ўқув юртига бериладиган баллар миқдорини ва унинг рейтингдаги ўрнини аниқлашда олий ўқув юртининг ўлчами, унинг битирувчилари ёки ходимлари орасидаги Нобель ёки Филдс мукофоти соҳибларининг сони, унда ишлайдиган тадқиқотчиларнинг сўзларидан келтириладиган иқтибослар миқдори ҳамда "Nature” ва "Science” журналларида чоп этилган мақолаларининг сони ҳисобга олинади. Одатдагидай бу сафар ҳам Шанхай рейтингида АҚШдаги олий ўқув юртлар етакчиликни эгаллади, уларнинг бирданига саккизтаси топ-10 таликдан жой олди. Булар Гарвард университети, Стэнфорд университети, Беркли университети, Массачусетс технология институти, Калифорния технология институти, Принстон университети, Колумбия университети ва Чикаго университети. Шунингдек, ўнталикка Британиянинг иккита энг яхши олий ўқув юрти - Кембридж (5-ўрин) ва Оксфорд (10-ўрин) университетлари ҳам кирди.
Европада энг яхши олий ўқув юрти сифатида Швейцариядаги Цюрих олий техника мактаби тан олинди.
Осиё-Тинч океани минтақасида Токио (21-ўрин), Киото (26-ўрин) ва Мельбурн (56-ўрин) университетлари эътироф этилди.
М.В.Ломоносов номидаги Москва давлат университети рейтингга кирган Россиянинг энг яхши олий ўқув юртига айланди. 2013 йилда МДУ 79-ўринни эгаллади, бу ўтган йилги кўрсаткичдан бир поғона юқори. МДУ дан ташқари, рейтингга тўртинчи юзталикдан ўрин эгаллаган Санкт-Петербург давлат университети ҳам кирган.
Илк бор топ-100 таликдан Голландиянинг Гронинген университети ҳам ўрин олди. Умуман олганда эса, рейтингда 11 та янги олий ўқув юртини кўриш мумкин. Уларнинг орасида шоҳ Абдулла номидаги Илмий-технологик университет (Саудия Арабистони), Коимбра университети (Португалия) ва Корея католик университети (Жанубий Корея) ҳам бор.
Manba: Darakchi.uz
|
|
Категория: Dunyo xabarlari |
Просмотров: 482 |
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ] |
|
|
