O’zbek estradasining maftunkor xonandalaridan biri Zamzama so’nggi paytlarda biroz kamnamo bo’lib qolganini siz ham payqagan bo’lsangiz ajab emas. Biz Zamzamaning ijodiy yangiliklaridan xabardor bo’lish maqsadida xonandaning prodyuseri Charos bilan muloqot qilganimizda Zamzama qizaloq farzandlik bo’lganligidan voqif etdi. Bu xushxabarni barchaga yetkazishni lozim deb topib, sizlarga ma’lumot yetkazmoqdamiz. Zamzama tahallusi ostida ijod qilayotgan Shahzoda 24 yanvar kuni qizaloq farzand dunyoga keltirdi. Qizaloqning ismini yaxshi niyatlar bilan Go’zal deb qo’yishdi. Hozirda Zamzama urf-odatlarimizga ko’ra chilla saqlamoqda. Tez kunlarda ijod ishlarini ham boshlab yuboradi. Biz o’z o’rnida Zamzamani dunyoga kelgan farzandi bilan muborakbod etamiz. Qizaloq sog’lom, aqlli-xushli bo’lib voyaga yetsin. Tabriklarimizni qabul qiling Zamzama!!!
