Umr o'tar, yoshlik o'tar. Yoshim 25 ga chiqib uyimdagilar uylantirish taradudiga tushishdi. Onam: "O'g'lim, ko'z ostingga olib qo'yganing yo'qmi?” deb so'radilar. "Yo'q ona, ko'ngil dardiga chalinganim yo'q hali. Siz qidiravering, sizga yoqqani – menga yoqqanida” dedim. Onam darov menga 3-4 ta qizni aytdilar va uchrashuvga chiqa boshladim. Har-hil dunyo qarashdagi qizlar, lekin birontasi bilan qarashlarimiz mos kelmadi. Bir kuni ko'chada ketayotsam mast bir insonga ko`zim tushdi, tanish chexra. Yoshligimdan meni o'z yaqinidek bag'riga bosib o'z farzandi kabi yaqin ko'rgan uzog'roq bir qarindoshim edi. Abgor axvoliga qarab 1 yil avallgi voqealar ko'z oldimga keldi. Qarindoshim bo'yi yetgan qizini orzu havas bilan o'zga uyga uzatib va qizining 10 kunlik turmushdan qaytganini esladim va beixtiyor negadur shu qizni baxtli qilish niyati uyg'ondi. Uyga kelib onamga niyatimni aytdim, avvaliga onam ko'nmadilar, keyin qat`iy bir ohangda "Uni turmush ko'rganini yuziga hech qachon solmaysami?” dedilar. Men quvonganimdan "Yo'q, hech qachon” dedim. Xolalarim, yangalarim so'vchilika borishdi. Biz ham uchrashdik. Uni birinchi bora ko'rib turishim edi. Oy desa oydek chiroyi, hayosi va ibosi bor edi. Shu zaylda kunlar o'tdi, biz bir birimizga bog'lana boshladik. Fotixa to'yimizdan so'ng uni chin yuragdan sevdim, unga borimni, jonimni berishgada tayyor edim. Meni baxtli kunlarim boshlangan va endi o'z suyukli yorim bor deb quvonardim. Kunlar o'tdi, shunday kunlarning birida uni ijtimoyi tarmoqqa kirishini va u yerda begonalar bilan suxbatlashishini bildim va buni tekshirish maqsadida undan login xamda parolini oldim. Xatlar orasida jiddiyroq xech narsani ko'rmaganim sababli ko'nglim joyiga tushdi, lekin qora ro'yxatiga kirib, xiyonat azobini tuydim. Bilishimcha men ishongan suygan ayol 3-4 bola bilan uchrashib, ular bilan hohlagan ishlarini qilgan. Uni oldiga borib "Nega unday qilding? Yana bir oy sabr qilganingda to'yimiz bo'lardiku! Muqqadas fotihamizga nega hiyonat qilding?!” desam "Kechiring, chidolmadim. Axir men ham ayolmanku, hohishimga qarshi chiqolmadim” deydi. Shu kuni u bilan fotihamiz buzildi va yuragimda alam bilan yana yolg'iz qoldim. Achiq xotiralarim, uni qanchalik sevganim meni hozir tinch yashashga qo'ymaydi. Ushbu voqeani yozishimdan maqsad - Yigitlar va qizlar, insonga bir marotaba hayot beriladi va uni qadrlashi shu xayotda baxtga erishishi talab etiladi. Bitta hayot yaxshi, ikkinchi – ortiqcha. Iloxim hammaga haqiqiy baxt bersin. Ushbu voqea yuzasidan har kim o`ziga xulosa qilishini istab qolardim… (Muallifi no`malum. Har bir odam hayotdagi yo`lini o`zi tanlaydi. U nafsga ergashsa shunaqa boshi berk ko`chaga kiradi va ortga qaytishi qiyin boladi. Yigitlarga ham kichik maslaxat – qizlarni tanlashda ularni chiroyiga emas, boshqa hislatlariga e`tibor berish kerak. Uylanmagan yigitni erdan qaytgan qizga uylanish hohishi esa – buni yaxshi yoki yomon deya olmaymiz. Har kim o`z ko`ngliga qarab ish qiladi. Muhimi – ko`r sevgi bilan sevmasdan vaziyatga real ko`z bilan qarash lozim)
