U shunday deya yugurib
ketdi.
Joyimda toshga aylandim,
go‘yo. Bir qultum zahar
yutgandek, ichim yonib
borardi. So‘ng oyoqlarimga qaltiroq kirib, sekin yerga
o‘tirib qoldim. Bo‘g‘zimga
nimadir tiqilib keldi. Biroq
o‘zimga kelgach, ko‘zim jiqqa
yosh holatda yotoqxonaga
yo‘l oldim. Shu kecha uyqum kelmadi. Dugonam bilan
tanishganimdan beri bo‘lgan
barcha munosabatlarimiz
xotiramda bir-bir jonlandi...
Nahotki, hammasiga men
aybdor bo‘lsam. Men o‘shanda uning bilimi, go‘zalligi bir
tomonu, oilaviy sharoiti,
qiynalib katta bo‘lgani bir
tomon ekanligini tasavvurga
keltirgandim. Illo,
muhabbatga ishonmas, hayotga real ko‘z bilan qarar
ekan, kelajakda to‘kis hayot
kechirib, orzulariga yetishsin,
degan niyatda uni o‘sha oilaga
kelin bo‘lishiga undagandim.
Nazarimda, u buni to‘gri qaror deb bilgan edi. Mening esa
niyatim yaxshi va xolis ediku.
Shularni o‘ylab, bir eski
rivoyat yodimga tushdi.
Bir odam sahroda uzoq yo‘l
yurib, olisda jimirlagan chashmani ko‘rib qolibdi.
Chashmaga yaqin joyga
otining qozig‘ini qoqib, so‘ng
chashmadan suv ichibdi. Ketar
chog‘ida, otining qozig‘ini
sug‘urishga chog‘lanib, xayolidan bir o‘y o‘tibdi:
«Qoziqni olib ketsam, mendan
keyin kelgan odam otini
qayerga bog‘laydi. Kel, shu
qozig‘imdan voz kechib qo‘ya
qolay. Kimningdir ishini oson qiladi». Yo‘lovchi qozig‘ini
qoldirib ketibdi.
Oradan kunlar o‘tib boshqa bir
yo‘lovchi ham uzoqdan shu
chashmani ko‘rib qolibdi.
Azbaroyi chanqaganidan otini yanada tezroq choptiribdi. Bir
mahal oti haligi qoziqqa
qoqilib, yiqilibdi. So‘ng,
yo‘lovchi o‘rnidan turibdi.
O‘sha qoziqqa otini bog‘lab,
suv ichibdi. Ketar mahali esa: «Mendan keyin kelgan
yo‘lovchi ham yiqilmasin», —
deya qoziqni sug‘urib, o‘zi
bilan olib ketibdi.
Bir qarashda keyingi yo‘lovchi
to‘g‘ri ish qilgandek tuyuladi. Aslida har ikkisining ham ishi
to‘g‘ri edi. Chunki ularning
niyatlari yaxshi edi.
Tashvishni esa, ehtiyotsizlik,
shoshma-shosharlik, johillik,
nafsini tiya olmaslik, sabrsizlik kabi noma'qul ko‘nikmalar
keltirib chiqaradi. Dugonam
bir kun kelib shu haqiqatlarni
tushunarmikan, bilmadim...
|
