| Статистика |
Hozirda saytda: 33 Mexmonlar: 33 Foydalanuvchilar: 0 |
|
Главная » 2013 » Fevral » 22 » Ўзбекистоннинг пенальтидан урган голини ҳисобга олмаган
19:57 Ўзбекистоннинг пенальтидан урган голини ҳисобга олмаган |
Ўзбекистоннинг пенальтидан урган голини ҳисобга олмаган япониялик ҳакам Таиландда можаро келтириб чиқарди
Таиланднинг «Бурирам» клуби раҳбари Невин Чидчоп унинг жамоаси келишилган ўйинларга алоқадор эканлигини рад этиб чиқди. «Bangkok Post» хабарига кўра, Чидчоп Таиланд чемпионати ва Кубоги баҳсларига хорижлик ҳакамларни таклиф қилаётган Таиланд футбол уюшмасини танқид қилиб чиққан.
Ўтган ҳафта Таиланд футбол уюшмаси Ворави Макуди, япониялик ҳакам Тошимицу Йошида Таиланд Кубоги финалчилари – «Бурирам» ва «Арми Юнайтед» клубларидан бири унга ўйинни ўз фойдасига ҳал қилишда ёрдам беришни сўраб пора таклиф қилгани ҳақида ОФКга хабар берганини маълум қилганди.
Невиннинг сўзларига кўра, ҳар иккала клуб ҳам ҳозирги ҳолатга келгунча жуда катта пул сарфлаган ва бундай «ақлсиз ҳаракатлар»ни амалга оширишга ҳадди сиғмайди. У, келишилган ўйинларни ташкил қилишда қатнашган ҳар қандай шахсни жазолаш тарафдори эканлигини ҳам маълум қилди.
«Менимча, ҳозирги ҳолатда энг биринчи бўлиб Воравининг ўзи айбни ўз елкасига олиши керак, чунки айнан унинг таклифи билан Тошимицу Йошида ва унинг ёрдамчилари Таиландга таклиф этилган», – деди Невин.
Япониялик ҳакам Тошимицу Йошида 2005 йилда ЖЧ-2006 саралаш плей-офф баҳслари доирасида Ўзбекистон ва Баҳрайн терма жамоалари ўртасидаги ўйинда ҳакамлик қилган. Ўшанда Йошида Баҳрайн дарвозасига белгиланган пенальти белгилаган, пенальти Сервер Жепаров томонидан бажарилганидан сўнг, голни бекор қилиб, Баҳрайн терма жамоаси фойдасига жарима зарбаси белгилаган эди.
Ҳакамнинг ушбу нотўғри қарори юзасидан Ўзбекистон футбол федерацияси ФИФАга эътирознома жўнатган. Шундан сўнг, Ўзбекистон терма жамоасининг 1:0 ҳисобидаги ғалабаси бекор қилиниб, такрорий ўйинлар натижасига кўра, Ўзбекистон саралаш плей-оффининг кейинги босқичига чиқа олмай қолган эди.
Тошимицу Йошида айнан шу хатосидан сўнг халқаро ўйинларни бошқаришдан четлатилган.
|
|
Категория: Sport yangiliklari |
Просмотров: 755 |
| Рейтинг: 5.0/19 |
Добавлять комментарии могут только зарегистрированные пользователи. [ Регистрация | Вход ] |
|
|
