8 февраль куни Ўзбекистонда ҳаво булутли бўлади, баъзи ҳудудларда қор ёғиши мумкин. 9-12 февраль кунлари эса Ўзбекистонда ёғингарчилик кутилмаяпти. Бу ҳақда Gazeta.Uz хабар бермоқда.
«Ўзгидромет» маълумотларига кўра, баъзи ҳудудларда туман кузатилади. Шамол ғарбдан секундига 7-12 метр тезликда эсади. Ҳаво ҳарорати кечаси -15…-10 даража совуқ, кундузи эса -10…-5 даража совуқ бўлади.
Тошкентда ҳаво булутли бўлади, 8 февраль куни вақти-вақти билан қор ёғиши мумкин, 9-12 февраль кунлари эса ёғингарчилик кутилмайди. Тунда ва тонгда туман тушиши мумкин. Шамол ғарбдан секундига 5-10 метр тезликда эсади. Ҳаво ҳарорати кечаси -15…-10 даража, кундузи эса -10…-5 даража совуқ бўлади.
Ўзбекистоннинг тоғли ҳудудларида ҳаво булутли бўлади, 8 февраль куни вақти-вақти билан қор ёғиши мумкин, 9-12 февраль кунлари ёғингарчилик кутилмайди. Қор кўчиши хавфи бор. Баъзи жойларда туман тушади. Шамол ғарбдан секундига 7-12 метр тезликда эсади. Ҳаво ҳарорати кечаси -20…-15 даража, кундузи эса -15…-10 даража совуқ бўлади.
