Главная » 2013»May»12 » Ўзбекистонда почта қутилари алмаштирилади
06:28
Ўзбекистонда почта қутилари алмаштирилади
Яқин орада юртимиз кўчаларида янгича дизайндаги почта қутилари пайдо бўлиши кутилмоқда.
«Ўзбекистон почтаси» ОАЖ оддий хатларни олиш учун шаҳарлар кўчаларида ва аҳоли пунктларида ўрнатиладиган почта қутиларини тайёрлаш бўйича энг яхши таклифни аниқлаш мақсадида очиқ танлов ўтказиши ҳақида маълум қилди.
Танлов ғолиби билан почта қутилари ясаш бўйича шартнома имзоланади.
Танлов иштирокчиларига қўйиладиган талаблар:
* металлдан буюмлар ишлаш бўйича иш тажрибаси; * маҳсулот ишлаб чиқаришга зарур лицензиялар ва материаллар учун сертификатлар бўлиши керак; * учинчи шахслар олдида муддатидан ўтган мажбуриятлардан холи бўлиш лозим; * ўз ишлаб чиқариш ресурсларига ва штамплаш ускунасига эга бўлиш зарур.
Савдо таклифлари шу йилнинг 20 майига қадар marketing@post.uz электрон манзили, 100000, Ўзбекистон Республикаси, Тошкент шаҳар, Олой кўчаси, 1 манзили орқали қабул қилинади.
