Главная » 2013 » May » 9 » Ўзбекистонда янги телеканал – "Uzreport TV" ишга туширилди
01:41
Ўзбекистонда янги телеканал – "Uzreport TV" ишга туширилди
Мамлакатимизда янги – «Узрепорт ТВ» телеканалининг синов эфири бошланди. «Узрепорт ТВ» мустақил нодавлат телеканал бўлиб, замонавий ахборот тарғиботи ва бизнес-канал сифатида фаол ишбилармонлар доирасига мўлжалланган.
Телеканал икки тилда жамият ҳаёти, иқтисодиёт, бизнес, молия соҳаларининг энг долзарб янгиликларини ҳар соатда эфирга узатади. Бундан ташқари, иқтисодиёт тармоқлари ҳақидаги музокарали мавзудаги муаллифлик кўрсатувлари, шунингдек молия бозорлари, банк тизимлари, суғурталаш ва лизинг соҳалари борасидаги фикр-мулоҳазали, суҳбат тариқасидаги кўрсатувлар, мутахассислар билан интервюлар ҳамда маданий-маърифий мавзулар мунтазам равишда ёритилиб борилади.
Янги телеканални рақамли ТВ-тюнери орқали томоша қилиш мумкин. «Узрепорт ТВ» – "Узрепорт ахборот агентлиги” телелойиҳаси ҳисобланади.
Телеканал ижодий жамоасини асосан ёшлар ва илгари давлат телевидениесида меҳнат қилган тажрибали журналистлар ташкил этади.
Суратда: Александра Желиховская - "Toshkent" телеканали "Пойтахт" дастурининг собиқ бошловчиси
