Главная » 2013 » Yanvar » 17 » Ўзбекистон сотиб олмокчи бўлган самолётларнинг
22:50
Ўзбекистон сотиб олмокчи бўлган самолётларнинг
Ўзбекистон сотиб олмоқчи бўлган самолётларнинг "қилиғи" чиқди "Орзу қушининг” қанотлари синди. Бир йўла бир нечта мамлакат "Boeing-787 Dreamliner" самолётлари парвозини то улар хавфсиз экани исботланмагунича бекор қилди. Кетма-кет шу моделдаги самолётларда юзага келган техник носозликлар Ҳиндистон, Чили, Европа Иттифоқи ва Япония давлатларини ана шундай қарорга келишига мажбур қилди. Зеро, январь ойининг ўзида турли компаниялар томонидан харид қилинган "дримлайнер"ларда 8 бора фавқулодда ҳолат юзага келди. Сўнггиси эса куни кеча Японияда рўй берди. Кун чиқар юртда самога кўтарилган самолёт, борт ичида тутун чиқиши оқибатида зудлик билан ерга қайтиб қўндирилди. Бироқ, Boeing корпорацияси вакиллари ўзлари ишлаб чиқарган "Дримлайнер"ларнинг мутлақо хавфсиз эканига ишонмоқдалар ва АҚШ ҳукумати билан юзага келган муаммо юзасидан ҳамкорлик қилишга тайёр эканликларини билдиришмоқда. Юзага келган салбий вазият туфайли Боинг компанияси акциялари нархи кескин тушиб кетган ва катта молиявий зарар кўрилган. Эслатиб ўтамиз, "Ўзбекистон ҳаво йўллари” МАК ҳам ана шу моделдаги иккита самоёлтга буюртма бериб қўйган. Янги самолётларни 2014-2016 йилларда Тошкентга етказиб бериш кўзда тутилган.